Estes son les obres finalistes del premiu Nel Amaro de teatru profesional n'asturianu
Estes son les obres finalistes del premiu Nel Amaro de teatru profesional n'asturianu / Principáu d'Asturies
S. C.
La novena edición del Premiu Nel Amaro de Teatru Profesional n'asturianu convocáu pola Conseyería de Cultura, Política Llingüística y Deporte yá tien finalistes. Esti gallardón, con una dotación económica de 6.000 euros, tien como oxetivu ayudar a la profesionalización de la industria cultural asturiana, sobremanera del sector de les artes escéniques, premiando la meyor obra en llingua asturiana o eonaviegu d'alcuerdu con criterios de calidá escénica, lliteraria y llingüística.
El xuráu encargáu de valorar los montaxes presentaos y facer la selección de los cuatro finalistes d'esta edición tuvo presidíu pol direutor xeneral d'Acción Cultural y Normalización Llingüística, Antón García. Como vocales, participaron l'actriz y filóloga María Cotiello, la profesora y autora teatral Azucena Álvarez, l'escritor y profesor Xuan Santori, l'escritor y direutor Sergio Buelga, y l'actriz y crítica teatral Eva Vallines.
Les propuestes de les compañíes asturianes finalistes nesta edición del Premiu Nel Amaro son estes: "Al rodiu l'horru", d'É Vero Teatro; "Tía Miseria", de Covenant Producciones. "Vuelu d'andarines / Viaxe d'andolías", de Producciones Nun Tris y "1001. Una odisea nel desiertu", d'Higiénico Papel Teatro.
Depués d'esta primer fase, el IX Festival Nel Amaro de Teatru Profesional en Llingua Asturiana va celebrase nel Teatru Filarmónica d'Uviéu tolos vienres del mes d'ochobre. Amás de les cuatro pieces teatrales finalistes, axúntase a esti festival la obra ganadora na edición del 2024, "Perendi", de La Compañía del Alba.
Nel festival mentáu va decidise la obra teatral vencedora que, amás de la dotación económica del premiu, va integrase nel circuitu Autores nel Camín del programa Asturies, Cultura en Rede.
El premiu y el festival lleven el nome del autor turonés Nel Amaro (1946-2011), consideráu una referencia fundamental na vanguardia teatral n'asturianu. Nel Amaro foi amás l'autor al que se dedicó la edición de la Selmana de les Lletres Asturianes nel 2021.
"Cola ayuda del Gobiernu del Principáu d'Asturies"
- ¿Es posible seguir el rastro de los tiburones en las playas de Asturias? Sí, con ayuda ciudadana
- El mejor pueblo de Asturias para tener una casa de verano, según ChatGPT
- Asturias sufre la tormenta perfecta en verano: obras en el AVE y en el Huerna prolongan a cinco horas el viaje con Madrid
- La consejera de Educación ficha a la coordinadora de Matemáticas en la PAU y a una inspectora: este es el equipo que liderará el cambio educativo en Asturias
- Adiós al buen tiempo en Asturias: mañana llega una dana y la Aemet activa la alerta por lluvias y tormentas
- Diecisiete compañías chinas colocan su foco de inversión en Asturias y hay gigantes como Huawei, CTG o Air China
- El Principado no quiere otro conflicto y convoca a los médicos para evitar la huelga a cambio de medidas
- Asturias se queda sin altos cargos en Industria con la salida de Francisco Blanco
