El Celsius de'Avilés cita a Brandon Sanderson y a Vicente García Oliva
El festival internacional axunta a la llista de convidaos a los asturianos Xulio Vixil Castañón, Beatriz Quintana Coro y Leovixildo M. López
Vicente García Oliva.
El Festival Celsius 232 de lliteratura fantástica, de ciencia ficción y de terror que se celebra tolos branos n'Avilés, algama esti añu la so décimu cuarta edición: va ser ente los próximos 15 y 19 de xunetu.
La organización foi desvelando adulces la llista sideral de convidaos na que rescamplen novelistes como'l norteamericanu Brandon Sanderson, el británicu Joe Abercrombie o el músicu búlgaru Borislav Slavov que ye'l creador de la banda sonora del videoxuegu "Baldur’s Gate III", un trabayu que-y valió'l premiu "Bafta" que se concedió l'añu pasáu.
A toos ellos axúntense agora autores de xéneru en llingua asturiana: Vicente García Oliva, Xulio Vixil Castañón, Beatriz Quintana Coro, Leovixildo M. López, Xuan Trenor Valls, Mon Esteban, Ana Pereira o Xon de la Campa.
"Va unos años creció tanto la publicación de fantasía, terror o ciencia ficción n'asturianu, que nel Festival Celsius creamos una sección p'acoyeles. Enantes namás les presentabemos por separáu. Y eso camudó", señalaron dende la organización d'un alcuentru cultural nel que, amás de venta de llibros y firmes, hai charles sobre asuntos tan heteroxéneos como los últimos videoxuegos o los distintos usos de les espades históriques.
"Cola ayuda del Gobiernu del Principáu d'Asturies"
- El metal asturiano no encuentra trabajadores: los motivos por los que la mitad de las empresas del sector tiene empleos sin cubrir
- Éstas son las notas de corte de la Universidad de Oviedo para el próximo curso: hay tres grados por encima del 13
- Malas noticias para los mutualistas asturianos: la devolución de los pagos de más en el IRPF volverá a demorarse (pese a las promesas del Gobierno)
- Cambio brusco del tiempo en Asturias: a partir de mañana... vuelven las nubes y el orbayo
- Zapatero habla de Barbón y su rechazo al acuerdo de financiación singular que propone Sánchez: 'Puede ir desarmado...
- Todo lo que perdería Asturias con la financiación singular de Cataluña: pensiones y servicios públicos, afectados
- ¿Qué pasará con el peaje del Huerna?: la UE lo considera ilegal y le da dos meses al Gobierno para “adoptar medidas”
- La familia Madera, una de las más acaudaladas de Asturias, abre en Menorca su quinto alojamiento de lujo y prepara su salto a un país de África
