¿Cuántos pensionistes asturianos cobren más de 3.000 euros brutos al mes? Tamos segundos nel ranking nacional
La comunidá abona más de 36.000 prestaciones nos tramos más elevaos, anque tamién hai un altu porcentaxe que cobra ente 850 y 900 euros al mes
¿Cuántos pensionistes asturianos cobren más de 3.000 euros brutos al mes? / LNE
Asturies ye la segunda comunidá autónoma española, namás per detrás del País Vascu, cola mayor proporción de pensiones de cuandu menos 3.000 euros brutos al mes. Según l'últimu informe de gastu de la Seguridá Social, correspondiente al mes de mayu, el 12,06% de les pensiones que se cobren nel Principáu xuben, a lo menos, a la mentada cantidá. En mayu cobráronse n'Asturies un total de 301.540 pensiones, de les que 36.347 tuvieron una cuantía de cuandu menos de 3.000 euros. En concretu, abonáronse 5.330 prestaciones perriba de la pensión máxima, qu'anguaño xube a 3.267,61 euros. En dellos casos ye posible percibir ingresos cimeros al tope afitáu por llei, como nes xubilaciones actives, retrasaes o en pensiones apurríes pola empresa.
L'analís de les prestaciones na comunidá según la so cuantía económica revela, según les estadístiques de la Seguridá Social, una sorprendente coincidencia: en mayu pagóse esactamente'l mesmu númberu de pensiones, 22.821, con una cantidá ente 850 y 900 euros, que les cifraes ente 3.200 y 3.267,58 euros. Dambos tramos de renta fueron los mayoritarios dientro de la escala de repartu, representando caún d'ellos el 7,57% de los abonos realizaos n'Asturies, lo cual indica una notable fienda ente la cuantía cobrada por ún y otru grupu.
País Vascu foi la comunidá onde se pagaron más pensiones percima de 3.000 euros: el 12,87% del total, esto ye, apenes ocho décimes percima d'Asturies. Dambes comunidaes fueron tradicionalmente les que tuvieron unes prestaciones contributives medies más altes, por mor del históricu pesu nes sos economíes de la minería y la siderurxa, sectores con cotizaciones igualmente elevaes. Asina, la pensión media nel País Vascu xubió en mayu a 1.789,84 euros brutos, mentato que n'Asturies foi de 1.603,82. Na comunidá, la prestación por xubilación, la más abondosa, asitió en 1.893,05 euros.
Les pensiones de toa España revalorizáronse un 2,8% pa esti añu en cursu p'afayase a la inflación media de 2024.
"Cola ayuda del Gobiernu del Principáu d'Asturies"
- El metal asturiano no encuentra trabajadores: los motivos por los que la mitad de las empresas del sector tiene empleos sin cubrir
- Éstas son las notas de corte de la Universidad de Oviedo para el próximo curso: hay tres grados por encima del 13
- Perlora, la Ciudad de Vacaciones de Asturias que pasó de ser un sueño de verano a ahogarse en maleza
- Malas noticias para los mutualistas asturianos: la devolución de los pagos de más en el IRPF volverá a demorarse (pese a las promesas del Gobierno)
- La familia Madera, una de las más acaudaladas de Asturias, abre en Menorca su quinto alojamiento de lujo y prepara su salto a un país de África
- Cambio brusco del tiempo en Asturias: a partir de mañana... vuelven las nubes y el orbayo
- ¿Qué pasará con el peaje del Huerna?: la UE lo considera ilegal y le da dos meses al Gobierno para “adoptar medidas”
- ¿Hasta cuándo va a durar el orbayo en Asturias?: esta es la previsión para los próximos días
