La Basílica Papal de Santa María la Mayor refuerza llazos con San Isidoro d'Uviéu
La parroquia carbayona recibe un lladriyu del muriu de la Puerta Santa del templu romanu, onde foi enterráu'l Papa Francisco'l pasáu abril
Placa que reconoz l'afinidá espiritual de San Isidoro cola Basílica Papal de Santa María la Mayor de Roma. | LNE
La Basílica Papal de Santa María la Mayor de Roma acaba de reforzar los sos llazos espirituales cola parroquia uvieína de San Isidoro al unviar un lladriyu del muriu que zarró la Puerta Santa del añu 2015 y qu'acaba de ser retiráu anguaño pal añu santu.
La Basílica de Santa María la Mayor ye'l templu romanu onde reposen los restos del papa Francisco dende'l pasáu mes d'abril. Dase la circunstancia de que foi'l Santu Padre arxentín el que concedió'l venceyu espiritual ente dambos templos en xunu de 2015, depués de la solicitú formalizada pola Archicofradía del Santu Entierru y Nuestra Señora de los Dolores, con sede na parroquia allugada na plaza del Conceyu d'Uviéu.
El cardenal Rolandas Makrickas, arcipreste coaxutor de la Basílica Papal romana, unvió un lladriyu del muriu que cerró la puerta santa del añu 2015. Esti muriu foi retiráu pa l'apertura del vixente añu santu, de 2025, y el lladriyu unviáu pola Basílica Papal ta consideráu como "un arrogante xestu y un regalu perespecial" que refuerza los llazos espirituales y d'afiliación que yá la xuníen cola ilesia uvieína de San Isidoro el Real dende 2015. "Esti símbolu sagráu representa un venceyu fondu de fe y comunión ente los nuesos dos templos y ye un testimoniu vivu de la esperanza y la fe que compartimos", valoró l'archicofradía del Santu Entierru, que tien la so sede na ilesia de San Isidoro.
La cofradía uvieína empezó a tramitar la solicitú de vinculación de la ilesia de San Isidoro cola Basílica Papal de Santa María la Mayor en febreru de 2015, con argumentos como l'advocación de Nuestra Señora de los Dolores, la so antigüedá y orixe, lo mesmo que la riqueza artística de la imaxe y la devoción que se-y profesa n'Uviéu. La concesión del llamáu venceyu d'afinidá espiritual foi aprobáu en xunu de 2015, quedando amestada la ilesia carbayona a la Basílica Liberiana, nome que recibe Santa María la Mayor de Roma por ser el papa Liberio'l que la fundó. Gracies a esti reconocimientu, nun fai falta pelegrinar a Roma pa beneficiase de les indulxencies plenaries concedíes a esti templu marianu.
Santa María ye una de les cuatro basíliques mayores de la ciudá de Roma, xunto a la de San Xuan de Letrán, San Pablo Extramuros y San Pedro del Vaticanu.
"Cola ayuda del Gobiernu del Principáu d'Asturies"
- Estos son los 35 candidatos a ser Pueblo Ejemplar de Asturias, un récord de aspirantes del Oriente al Occidente de la región
- Están echando a los empresarios de Asturias', clama Luis Fernández-Vega sobre al polémico impuesto de sucesiones
- Un ovetense se gradúa en Derecho a los 76 años y es su hijo, vocal del Poder Judicial, quien le entrega la beca de licenciado: 'Papá, eres ejemplo de perseverancia
- Jesús Daniel Sánchez, director de vivienda del Principado: 'Se acabó eso de desarmar una vivienda pública y que no pase nada
- El AVE arrasa: comprar billetes a Asturias es una misión imposible en su primer verano con toda la oferta
- Se buscan asturianos con influencia en el Gobierno central: solo ha habido tres ministros en lo que va de siglo
- Verano puro y duro en Asturias: así vivieron turistas y locales los 30 grados en la región, que hoy se acaban
- El área de Neumología Intervencionista del HUCA, 'Asturiana del mes
