El Prado inaugura una esposición temporal con obres remocicaes de Muñoz Degraín
El mierense Javier Barón tien comisariao l'amuesa dedicada al pintor valencianu que retrató'l paisaxe asturianu y la xesta del Cabu Noval
"Paisaje del Pardo al disiparse la niebla" (1866), de Muñoz Degraín. | MUSEO NACIONAL DEL PRADO
Antonio Muñoz Degraín (Valencia, 1840-Málaga, 1924) y la so obra garraron dende esti día'l protagonismu na sala 60 del Muséu del Prado, dedicada a les esposiciones del XIX. Hasta'l 11 de xineru de 2026 preséntase nella una decena de les obres del artista valencianu que retrató'l paisaxe asturianu y la xesta del Cabu Noval. Toes pertenecen a la colección de la pinacoteca nacional y cinco d'elles fueron remocicaes apocayá. Ente elles el mierense Javier Barón, xefe de Colección de Pintura del Sieglu XIX y comisariu de la esposición, destaca "Paisaje del Pardo al disiparse la niebla" (1866).
Barón, que se refier a Muñoz Degraín como a "ún de los maestros valencianos que precedieron a Sorolla", comenta que con esa intervención el cuadru de Muñoz Degraín, consideráu ún de los sos paisaxes más importantes, queda "más rescamplada la fondura de los planos", los empasties qu'emplega y apréciase meyor la influencia de Velázquez y los maestros antiguos na obra.
L'amuesa temporal llega un añu depués del centenariu de la muerte del artista, del qu'El Prado tien 20 pintures. El paisaxe del Pardo ye una de les que s'esponen de forma permanente. Los otros son "Recuerdos de Granada" y "Los amantes de Teruel", de calter históricu, porque, como esplica Barón, a Muñoz Degraín "conózselu como paisaxista, pero amás ye pintor d'hestoria, de gran ésitu y, daqué poco habitual, tien una tercer dedicación, que ye la pintura orientalista, bíblica o de mitoloxía clásica. Con eses trés dedicaciones articula la so pintura".
"Cola ayuda del Gobiernu del Principáu d'Asturies"
- El metal asturiano no encuentra trabajadores: los motivos por los que la mitad de las empresas del sector tiene empleos sin cubrir
- Éstas son las notas de corte de la Universidad de Oviedo para el próximo curso: hay tres grados por encima del 13
- Malas noticias para los mutualistas asturianos: la devolución de los pagos de más en el IRPF volverá a demorarse (pese a las promesas del Gobierno)
- Cambio brusco del tiempo en Asturias: a partir de mañana... vuelven las nubes y el orbayo
- Zapatero habla de Barbón y su rechazo al acuerdo de financiación singular que propone Sánchez: 'Puede ir desarmado...
- Todo lo que perdería Asturias con la financiación singular de Cataluña: pensiones y servicios públicos, afectados
- ¿Qué pasará con el peaje del Huerna?: la UE lo considera ilegal y le da dos meses al Gobierno para “adoptar medidas”
- La familia Madera, una de las más acaudaladas de Asturias, abre en Menorca su quinto alojamiento de lujo y prepara su salto a un país de África
