José María Montes Presa despídese de la presidencia de l'Asociación d'Intérpretes de la Canción Asturiana
Tamién conocíu como Chema Fosagra, aprovechó'l 35u aniversariu de l'asociación, celebráu nel teatru Xovellanos, pa dar l'anunciu
Actuación de Chema Fosagra nel stand de LA NUEVA ESPAÑA na Feria de Muestres. / David Cabo / LNE
"Esti va ser l'últimu día de la Canción Asturiana nel que yo actúe como presidente de l'Asociación d'Intérpretes, porque esti añu vamos convocar elecciones a la Xunta Directiva y nun cuento presentame". Con estes palabres y el tonu cenciellu que lu caracteriza, José María Montes Presa, tamién conocíu como Chema Fosagra nos círculos de monologuistes asturianos, anunció que dexa vacante la presidencia de l'Asociación d'Intérpretes de Canción Asturiana (AICA).
Aprovechó'l 35u aniversariu del organismu, celebráu nel teatru Xovellanos de Xixón, pa dar una noticia que pilló por sorpresa a los presentes. Féxolo dempués d'asegurar que la tonada nun ta pasando pol so meyor momentu. "Va ser cosa de les modes", mentó, anque aseguró que "la canción asturiana va a pervivir porque nun puede desapaecer". "La canción asturiana ta calteniéndose güei gracies a un montón d'intérpretes que son como los últimos de Filipines. Lluchando contra tou y contra toos y perriba de too", anunció Montes Presa.
L'actual presidente declaró que los problemes que traviesa la canción asturiana surden de la imposibilidá de que los autores puedan profesionalizase. Y en casu de facelo, llógrenlo per otres víes primero de tornar a la tonada. Sicasí, agradeció'l sofitu de les instituciones ellí presentes como la conseyera de Cultura, Política Llingüística y Deporte, Vanessa Gutiérrez; el presidente de la Xunta Xeneral, Juan Cofiño; l'Alcaldesa de Xixón, Carmen Moriyón y el conceyal de Relaciones Institucionales Jorge González-Palacios.
José María Montes Presa llegó a la presidencia d'AICA en 2018, namás dos años dempués d'axuntase a l'asociación. Natural de Bendición (Siero), nació en 1952 y dedicó la so vida llaboral a la educación, siendo profesor n'Uviéu y en Marruecos de 1984 al 1989 y del 2004 al 2010.
"Cola ayuda del Gobiernu del Principáu d'Asturies"
- Emergencias pone en alerta a todos los asturianos: 'Cierre ventanas y puertas, y aléjese de cornisas, muros y árboles
- Muy graves las dos víctimas del brutal choque en la 'Y' entre un coche y un camión que bloqueó el tráfico durante horas y causó retenciones de más de cuatro kilómetros
- Los dos nuevos destinos (y quizá un tercero) a los que aspira el aeropuerto de Asturias
- Tres horas de monumental atasco en la autopista 'Y': más de cuatro kilómetros de retenciones (sentido Oviedo) y dos heridos muy graves al chocar contra un camión
- Adriana Lastra suspende su agenda al ingresar en el HUCA
- Fallece Pelayo Roces, fundador de Foro Asturias y mano derecha de Francisco Álvarez-Cascos, a los 65 años
- Gran despliegue por el monte para encontrar a Tomasín, 'el rambo de Tineo': sus últimas palabras antes de desaparecer y la preocupación porque 'ya no está como para dormir a la intemperie
- Atención asturianos: llega la borrasca 'Claudia', de 'gran impacto', que dejará lluvias y rachas de viento muy fuertes en la región
