Asina foi la meyora del abellugu Vega d'Urriellu, nos Picos d'Europa, que costó 369.000 euros
Les obres, financiaes con fondos europeos, permitieron anovar el sistema de tratamientu d'agües residuales y afayalu a los estándares de calidá del parque nacional
Principáu d'Asturies
L'abellugu Vega d'Urriellu, nel corazón del parque nacional de los Picos d'Europa, vio meyoraos los sos equipamientos. La Conseyería de Movilidá, Cooperación Local y Xestión d'Emerxencies remató les obres de meyora y anovación integral del sistema de tratamientu d'agües residuales del inmueble. Pa ello, meyoráronse los equipamientos ya incrementóse la so eficiencia, de la que s'afayaron a los estándares requeríos pa un parque nacional.
L'actuación, financiada al traviés del Plan de Recuperación, Tresformamientu y Resiliencia con fondos del programa NextGenerationEU, traxo una inversión de 369.429 euros.
Operarios na execución de les obres. / P. A.
Adecuación paisaxística
En concretu, el Gobiernu d'Asturies instaló un nuevu colector xeneral pa captar les agües procedentes del abellugu y equipos prefabricaos de depuración. Tamién s'encuriosó una zona del entornu del abellugu pa facilitar la infiltración al terrén de les agües yá depuraes. Amás, remocicóse'l sistema de captación y almacenamientu, una actuación que l'Executivu autonómicu xulga "fundamental" con vistes al periodu braniegu, cuando l'abellugu recibe mayor cantidá de visitantes.
Acarretáu de materiales hasta la vega d'Urriellu. / P. A.
Los trabayos completáronse cola restauración de la zona na que s'alluguen los nuevos equipos de depuración. Según el Gobiernu asturianu, con esta adecuación paisaxística consiguióse "integrar dafechu l'actuación nesti emblemáticu espaciu". A lo llargo de les obres, el tresporte féxose acarretando los materiales n'helicópteru, por cuenta de l'altitú y la dificultá que supon llegar a esti equipamientu per otres víes.
Meyora de la calidá de les agües
L'abellugu ta asitiáu a unos 1.960 metros d'altitú, a los pies del Picu Urriellu. Les obres desenvolviéronse en coordinación cola Conseyería de Cultura, Política Llingüística y Deporte, que ye'l departamentu encargáu de xestionar los abellugos.
"Los trabayos meyoren bultablemente la calidá de les agües nuna redolada protexida que tien, amás, una hidroxeoloxía bien singular. La vega d'Urriellu tien una llarga tradición de deportes de montaña, y l'adecuación del abellugu garantiza'l futuru del equipamientu en condiciones de sostenibilidá y respetu ambiental", rescampló'l Gobiernu del Principáu.
"Cola ayuda del Gobiernu del Principáu d'Asturies"
- El rock español pierde a su último titán: muere Jorge Martínez, líder de 'Ilegales', a los 70 años
- La nueva ruta que llegará al aeropuerto de Asturias a partir de mayo (y con una compañía que nunca operó en la región)
- Las últimas palabras de Jorge Martínez, líder de 'Ilegales', antes de fallecer: 'Quiero borrar esta parte de mi vida
- Los restaurantes asturianos, a rebosar de reservas hasta enero, detectan un cambio en las costumbres: 'Ahora arrasan las comidas en vez de las cenas
- Shock por la muerte de Jorge Martínez, líder de 'Ilegales' y 'un gran corazón que jugaba a ser macarra': las sentidas palabras de Víctor Manuel, Loquillo, Dani Martín, Luz Casal, Bunbury, Calamaro...
- Bolgues, el palacio encantado de Las Regueras donde era feliz Jorge Martínez: allí le llegó la vocación y siempre fue su refugio reparador
- Familia, amigos y colegas de la música, 'devastados' con la muerte de Jorge 'Ilegal': 'Casi era inmortal, joder
- El mejor Roscón de Reyes artesano se prepara en Asturias: estos son los obradores que compiten (de momento) por la mejor receta
