Nueva inyeición d'ayudes de la PAC: el Principáu abona cerca de 7 millones a más de 4.500 esplotaciones ganaderes
El pagu ye un anticipu por compensación de vaques nodrices, anque a lo llargo d'esti mes van sufragase más conceutos
Vaques nun certame ganaderu. / L. Díaz / LNE
La Conseyería de Mediu Rural y Política Agraria efectuó va unos díes el segundu pagu adelantáu de les ayudes direutes correspondientes a la Política Agraria Común (PAC) de 2025. En concretu, 4.549 esplotaciones ganaderes recibieron una partida de 6.948.861 euros en conceutu d'anticipu por compensación de vaques nodrices.
Amás, a lo llargo d'esti mes, van sufragar tamién l'anticipu de l'ayuda básica a la renta pa la sostenibilidá, los pagos complementarios redistributivos y pa mozos y el ecorréximen de pastoréu.
Esta ye la primer vegada que'l Gobiernu asturianu emite tan aína esti anticipu. En 2024, el primer abonu féxose'l 14 de payares, frente al 31 d'ochobre que se fexo esti añu. Un movimientu, dicen, que “demuestra l'esfuerzu de l'Alministración autonómica por entainar les tresferencies”.
Hasta'l momentu, el Principáu abonó daqué más de trece millones d'euros, anque calcula que les subvenciones direutes de la PAC 2025 de manera antemanada xuban al cabu a 31,4 millones.
A partir del 1 d'avientu, fecha na qu'empieza'l plazu ordinariu de pagu, podrá algamase hasta'l 90 % del importe. El cien por cien va autorizase a partir del 15 de mayu de 2026, una vegada calculaos por parte del Fondu Español de Garantía Agraria (FEGA) los importes unitarios definitivos. Esti plazu ordinariu va rematar el 30 de xunu de 2026, anque de magar esi día podrán facese entregues residuales hasta'l 15 d'ochobre, fecha na que remata l'exerciciu.
La Unión Europea autorizó en xunetu l'aumentu hasta'l 70% del pagu antemanáu pa esta campaña, coles mires de desaniciar les consecuencies de la xuba de los aranceles por parte d'Estaos Xuníos, la guerra d'Ucrania o los conflictos n'Oriente Próximu.
"Cola ayuda del Gobiernu del Principáu d'Asturies"
- Las razones de la fuerte eclosión de la colonia balear en Asturias: 'Las islas están masificadas, el norte es tranquilidad
- El Supremo tumba la estabilización docente de Asturias por vulnerar los derechos de las personas con discapacidad
- Los restaurantes asturianos, a rebosar de reservas hasta enero, detectan un cambio en las costumbres: 'Ahora arrasan las comidas en vez de las cenas
- Llega el AVE gratis a Asturias, pero no para todo el mundo: así se pueden conseguir los billetes sin coste
- Isabel San Sebastián no es admitida en el restaurante de José Andrés en Nueva York: 'Tienes el local más pijo de NYC
- Los empleados públicos del Principado son el “quinto concejo” de Asturias y el próximo año serán 1.500 más
- Fallece Marisa Lacera, cofundadora del grupo de limpieza Lacera, el tercer mayor empleador privado de Asturias
- La localidad quirosana de Aciera se supera a sí misma otro año más: ninguna casa sin luces en el pueblo más navideño del mundo
