Asturies blíndase contra'l gripe: los bonos datos de vacunación nel ecuador de la campaña
L'apertura de 34 puntos de vacunación pela tarde permitió algamar hasta'l momentu les 116.524 persones protexíes
Vacunen a una muyer del gripe nel entamu de la campaña. / Irma Collín / LNE
Salú reforzó esti añu la campaña de vacunación del gripe y los asturianos respondieron. Hasta'l domingu pasáu, vacunárense 167.964 persones, cerca de cuarenta mil más que l'añu pasáu nesti periodu. Amás, la tasa de síndrome gripal asitia na actualidá en 20,3 casos por cada 100.000 habitantes, cuatro puntos más al respeutive de la selmana anterior.
La conseyera Concepción Saavedra informó'l llunes d'esta selmana que 116.524 persones mayores de 64 años yá se vacunaron, lo que supon una cobertoria del 38,9 por cientu nesti grupu d'edá. Tamién recibieron la profilaxis 5.831 menores de cinco años, (30,8 por cientu de cobertoria) y 1.560 muyeres embarazaes.
Los síntomes, señaló, son los habituales d'esti tipu de virus como tos, fiebre, malestar xeneral, conxestión nasal y dolor de gargüelu. Sicasí, Saavedra reconoció que se comprobó que na metá de los casos ta produciéndose l'apaición de los síntomes de sópitu.
Más de 10.000 persones nuna selmana
Esti añu, el Serviciu de Salú del Principáu abrió la posibilidá de vacunase de tarde en 34 puntos habilitaos a lo llargo de toles árees sanitaries. Una decisión que resultó ser un ésitu. Esta midida permitió vacunar nuna selaman namás a más de 10.000 personses. Y por esa razón decidieron espurrila a lo llargo d'esta selmana, calteniendo l'horariu de 16.00 a 20.00 hores.
No que fai a la vacunación del covid, les cifres tamién meyoraron al respeutive del añu pasáu. Pel momentu, yá lo fixeron 24.671 persones. Mentanto que del virus sincitial respiratoriu recibieron la profilaxis 19.838 persones adultes (un 73% de la población diana) y 2.615 menores de dos años, lo que supon una cobertoria del 90%.
Ventilación y usu del mázcaru
Saavedra recordó que la vacuna ye la meyor ferramienta pa prevenir la enfermedá y recordó que, nel momentu que surdan los síntomes, hai qu'entamar les midíes sanitaries tan comunes na pandemia como caltener una ventilación afayadiza n'espacios zarraos, tapase la boca col coldu pa espirriar y, poques gracies, usar mázcaros.
L'oxetivu d'esta campaña ye facilitar la proteición de los coleutivos con mayor riesgu o esposición llaboral, como les persones de 60 años o más, residentes en centros sociosanitarios, muyeres embarazaes, menores de 6 a 59 meses, enfermos crónicos o con inmunosupresión y profesionales sanitarios y sociosanitarios.
"Cola ayuda del Gobiernu del Principáu d'Asturies"
- El rock español pierde a su último titán: muere Jorge Martínez, líder de 'Ilegales', a los 70 años
- Las razones de la fuerte eclosión de la colonia balear en Asturias: 'Las islas están masificadas, el norte es tranquilidad
- La nueva ruta que llegará al aeropuerto de Asturias a partir de mayo (y con una compañía que nunca operó en la región)
- Las últimas palabras de Jorge Martínez, líder de 'Ilegales', antes de fallecer: 'Quiero borrar esta parte de mi vida
- Los restaurantes asturianos, a rebosar de reservas hasta enero, detectan un cambio en las costumbres: 'Ahora arrasan las comidas en vez de las cenas
- Shock por la muerte de Jorge Martínez, líder de 'Ilegales' y 'un gran corazón que jugaba a ser macarra': las sentidas palabras de Víctor Manuel, Loquillo, Dani Martín, Luz Casal, Bunbury, Calamaro...
- Bolgues, el palacio encantado de Las Regueras donde era feliz Jorge Martínez: allí le llegó la vocación y siempre fue su refugio reparador
- Familia, amigos y colegas de la música, 'devastados' con la muerte de Jorge 'Ilegal': 'Casi era inmortal, joder
