La Xira Didáctica aporta a Avilés con talleres y conciertos pal alumnáu d'asturianu y eonaviegu
Plaza del Ayuntamientu d'Avilés. / EUROPA PRESS - Archivo
S. C.
La Xira Didáctica aporta a Avilés con actividaes pal alumnáu d'asturianu y gallego-asturianu. Ye "un circuitu de dinamización cultural y educativa", pensáu pal alumnáu d'asturianu y eonaviegu, que-yos ofrez a los centros educativos un catálogu d'actividaes.
Cuenta con un conteníu educativu empobináu a dellos rangos d'edaes específicos, con calidá artística y cultural, amañosu pal so públicu oxetivu. El Conceyu d'Avilés, per aciu de la so conceyalía de Normalización Llingüística, collabora nel desendolcu d'esta actividá.
La Xira Didáctica percuerre dellos conceyos asturianos, ente los que ta Avilés, pa facilitar que tola comunidad educativa tenga accesu a esta programación, na que les llingües vehiculares van a ser l'asturianu y l'eonaviegu.
Los oxetivos son, ente otros: dar a conocer el trabayu de profesionales en varios ámbitos como les artes escéniques, la música, el cine, la ciencia, la historia, la lliteratura, arquitectura, l'arte, etc. Averar a la comunidá educativa asturiana una programación d'actividaes didáutiques y artístiques estremaes y de calidá que puedan sirvir de complementu a los conteníos que se dan en clas. Ayudar a la promoción, espardimientu, normalización y usu del asturianu y l'eo-naviegu. Puxar pol desendolcu de vezos y de consumu culturales ente públicu variáu y dende mui lluego nel so entornu más cercanu. Puxar pola convivencia y la rellación ente escolines y escolinos asturianos fuera del entornu que tienen más cerca.
Nesta primer Xira Didáctica, Avilés tendrá dos de les actividaes ufiertaes: un taller d'audiovisuales en varies sesiones y un conciertu. Van facese les dos nel salón d'actos del Centru Sociocultural de Los Canapés. Los díes 12 y 13 de payares fadráse'l taller d'audiovisuales entituláu "¡El Nuesu Curtiumetraxe!", en tres sesiones de 30 participantes caúna. A ellos va dir el mesmu alumnáu de les escueles Luisa de Marillac y Marcelo Gago.
La segunda actividá, nomada "Restolando", llegará'l 21 de xineru. Sedrá un conciertu didáuticu p'alumnáu infantil a cargu del conocíu músicu asturianu David Varela, quien va usar hasta trenta instrumentos y coses de casa -como panderos, carraques, botelles, morteros, cuyares, sartenes, cazos o guantes- pa quita-yos el mieu a neños y neñes a facer música y sacar soníos a tolo que tengan cerca, poniendo un poco imaxinación y ganes. L'actividá contará cola participación d'hasta 200 escolinos y profesoráu.
"Cola ayuda del Gobiernu del Principáu d'Asturies"
- Las razones de la fuerte eclosión de la colonia balear en Asturias: 'Las islas están masificadas, el norte es tranquilidad
- El Supremo tumba la estabilización docente de Asturias por vulnerar los derechos de las personas con discapacidad
- Los restaurantes asturianos, a rebosar de reservas hasta enero, detectan un cambio en las costumbres: 'Ahora arrasan las comidas en vez de las cenas
- Llega el AVE gratis a Asturias, pero no para todo el mundo: así se pueden conseguir los billetes sin coste
- Isabel San Sebastián no es admitida en el restaurante de José Andrés en Nueva York: 'Tienes el local más pijo de NYC
- Los empleados públicos del Principado son el “quinto concejo” de Asturias y el próximo año serán 1.500 más
- Fallece Marisa Lacera, cofundadora del grupo de limpieza Lacera, el tercer mayor empleador privado de Asturias
- La localidad quirosana de Aciera se supera a sí misma otro año más: ninguna casa sin luces en el pueblo más navideño del mundo
