El grupu vascu Tekpolio compra la compañía xixonesa de tresformación del vidriu Cristal Norte
La empresa asturiana factura cerca de 10 millones d'euros al añu
Sede de Cristal Norte en Xixón.
El grupu vascu Tekpolio, dientro de la so estratexa de diversificación industrial, adquirió'l 100 % de la empresa xixonesa de tresformación del vidriu Cristal Norte. Con esta operación, el grupu familiar fundáu polos empresarios Manuel y Guillermo Delclaux Lezama-Leguizamón, asitia nel sector de la construcción, fuera de les sos llinies tradicionales.
Cristal Norte, con casa social en Xixón y una facturación alredor de los 10 millones d'euros, ta especializada na tresformación de vidriu planu. Les sos modernes instalaciones permíten-y fabricar toa triba de vidriu destináu a un ensame d'usos, col focu nel doble acristalamientu. Ente los sos productos y servicios destacaos tán el corte ya instalación de vidriu planu pa ventanes, fachaes y puertes automátiques, y otres soluciones integrales pa proyeutos d'edificación.
Amás, Cristal Norte ye fabricante oficial del sistema Climalit, perteneciente a Saint-Gobain Glass. Gracies a esta certificación, puede ufiertar productos con prestaciones térmiques cimeres, amañosos pa fachaes eficientes y ventanes d'altu rendimientu. En materia medioambiental, Cristal Norte participa activamente nel reciclaxe del vidriu y na mengua de la huelga de carbonu arreyada a la so actividá.
Según fontes de Tekpolio, l'apuesta pola compra de Cristal Norte enxaretase nun momentu de fuerte dinamismu nel mercáu del vidriu, emburriáu por una demanda cada vez más esixente en materia d'eficiencia enerxética. Amás, señalaron que, pa Cristal Norte, esti pasu representa "una oportunidá pa esparder el so algame téunicu y xeográficu, intensificar la inversión n'I+D, adoptar nueves teunoloxíes y optimizar les operaciones industriales".
Fundáu en 2017, Grupu Tekpolio ye un 'family office' con un enfoque d'inversión a llargu plazu en sectores clave como la industria, la enerxía, la infraestructura y la teunoloxía. Tekpolio busca identificar oportunidaes d'inversión tanto en fases iniciales como d'altu crecimientu, con especial interés n'árees venceyaes a la transición ecolóxica y la sostenibilidá.
"Cola ayuda del Gobiernu del Principáu d'Asturies"
- El rock español pierde a su último titán: muere Jorge Martínez, líder de 'Ilegales', a los 70 años
- Las razones de la fuerte eclosión de la colonia balear en Asturias: 'Las islas están masificadas, el norte es tranquilidad
- Nuevo límite máximo de 100 kilómetros por hora en autopistas y autovías: así afecta a los conductores asturianos la nueva medida de la DGT
- Las últimas palabras de Jorge Martínez, líder de 'Ilegales', antes de fallecer: 'Quiero borrar esta parte de mi vida
- Los restaurantes asturianos, a rebosar de reservas hasta enero, detectan un cambio en las costumbres: 'Ahora arrasan las comidas en vez de las cenas
- Un juzgado de Asturias consigue poner fin a las multas de vehículos estacionados con la ITV caducada: 'Es ilegal multar por algo que no es sancionable y no tiene más sentido que la mera recaudación”
- Shock por la muerte de Jorge Martínez, líder de 'Ilegales' y 'un gran corazón que jugaba a ser macarra': las sentidas palabras de Víctor Manuel, Loquillo, Dani Martín, Luz Casal, Bunbury, Calamaro...
- Bolgues, el palacio encantado de Las Regueras donde era feliz Jorge Martínez: allí le llegó la vocación y siempre fue su refugio reparador
