Les obres n'asturianu podrán optar a los Premios Nacionales de Lliteratura a partir de 2026
Llibros nun escaparate. / EP
Les obres lliteraries escrites en llingua asturiana van poder aportar a los Premios Nacionales de Lliteratura a partir del añu qu'entra. El ministru de Cultura, Ernest Urtasun, anunciólo esti día nel Congresu de los Diputaos y l'Executivu asturianu celebró como "un finxu históricu" la reconocencia del valor creativu del asturianu dientro de la pluralidá llingüística del Estáu.
La conseyera de Cultura, Vanessa Gutiérrez, que va unos díes aconceyó con Urtasun, recordó qu'Asturies lleva, dende l'entamu de la llexislatura, "reclamando esti pasu de forma reiterada". "Llevábamos munchu tiempu plantegando esta petición al Ministeriu de Cultura y celebramos que se materialice", declaró. El reconocimientu del asturianu como llingua lliteraria, col impulsu qu'ello supon p'autores y editoriales, supon un "avance mui importante", recalcó la Conseyera; agradeció "la sensibilidá mostrada pol ministeriu", manifestó que la midida "corrixe una ausencia y discriminación respective a los artistes que s’espresen n’otros idiomes del Estáu" y que supon un pasu relevante hacia la normalización cultural de la llingua.
El Ministeriu de Cultura abrió en 2024 l'accesu de les llingües del Estáu con reconocimientu estatutariu, incluyíu l'asturianu, a les ayudes estatales pa la creación lliteraria.
"Asturies venía reclamando esti pasu de forma reiterada nes reuniones manteníes col ministru dende comienzos de la lexislatura y güei dase cumplimentu a esa petición", reconoció la Conseyera asturiana.
"Cola ayuda del Gobiernu del Principáu d'Asturies"
- El Supremo tumba la estabilización docente de Asturias por vulnerar los derechos de las personas con discapacidad
- Las razones de la fuerte eclosión de la colonia balear en Asturias: 'Las islas están masificadas, el norte es tranquilidad
- La mujer que cayó al vacío en la canal del Texu llevaba un brazo escayolado y al perro atado con la correa
- Muere una mujer al caer con su perro al vacío en la canal del Texu, de Bulnes a Poncebos, en Cabrales
- Llega el AVE gratis a Asturias, pero no para todo el mundo: así se pueden conseguir los billetes sin coste
- Los empleados públicos del Principado son el “quinto concejo” de Asturias y el próximo año serán 1.500 más
- Dos socios del empresario de la Mina de Cerredo, condenados a dos años de cárcel por comprar 15.000 toneladas de carbón a una empresa de Avilés, no pagarlo y hacer desaparecer parte del mineral
- “Hay meses que es insostenible”, gritan los autónomos de Asturias en una multitudinaria manifestación para reclamar “condiciones dignas”
