La Universidá d'Uviéu guarda un manuscritu cola firma de Murillo
Pilar Ostos-Salcedo atopó na biblioteca de la institución una escritura cola firma del pintor
Bocetu de Murillo pal cuadru "Santa Ana dando una llección a la Virxe". / MUSEO NACIONAL DEL PRADO
La biblioteca de la Universidá d'Uviéu guarda, ente los sos valiosísimos fondos, un documentu cola firma del pintor Bartolomé Esteban Murillo. Desconozse cómo acabó n'Asturies, pero d'él da cuenta un artículu publicáu nel añu 2018 pola catedrática d'Hestoria de la Universidá de Sevilla Pilar Ostos-Salcedo con motivu del cuartu centenariu de la nacencia del artista sevillanu. Murillo estampó la so firma na escritura de la partición de los bienes familiares heredaos pola so esposa Beatriz de Cabrera y Sotomayor, a la qu'él representó llegalmente.
Esi documentu, del que Ostos-Salcedo tuvo conocimientu al traviés de los profesores de la Universidá d'Uviéu Miguel Calleja y María Josefa Sanz, conseña que'l 21 de payares de 1658 Murillo taba nel municipiu de Pilas, próximu a la capital andaluza, pa iguar l'asuntu de los bienes familiares que-y correspondíen a la so muyer tres el fallecimientu de los sos padres y les sos dos hermanes solteres. Beatriz contraxera matrimoniu col pintor en 1645 na ilesia de la Magdalena de Sevilla. La so hermana Guiomar de Villalobos, la otra heredera, enviudara y casárase en segundes nupcies con Francisco de Obando. Precisamente, Ostos-Salcedo cunta que la boda de Guiomar y un viaxe de Murillo a Madrid pudieron ser les razones poles que la repartida de la herencia se retrasó nueve meses. A Beatriz tocáron-y nel repartu, ente otra coses, les cases de la familia en Pilas, terrenes y tierres de llabranza, un viñéu, un olivar y el cobru de delles rentes.
Pilar Ostos-Salcedo afayó con plasmu la esistencia d'esi documentu inéditu na biblioteca de la Universidá d'Uviéu cuando la de Sevilla andaba somorguiada nos preparativos del homenaxe a Murillo pol so 400.u aniversariu. "Tendría que tar nel protocolu notarial del documentu, porque ye la escritura matriz d'una partición na que Murillo representa a la so esposa", esplica ya informa de qu'esi protocolu guardase nel Archivu Públicu de Sanlúcar la Mayor, onde fueron parar los archivos de delles localidaes de la comarca sevillana del Aljarafe, ente elles Pilas. Anguaño sigue ensin tener idea de cómo aportó esa escritura cola firma de Murillo a Asturies.
"Cola ayuda del Gobiernu del Principáu d'Asturies"
- El Supremo tumba la estabilización docente de Asturias por vulnerar los derechos de las personas con discapacidad
- Las razones de la fuerte eclosión de la colonia balear en Asturias: 'Las islas están masificadas, el norte es tranquilidad
- Llega el AVE gratis a Asturias, pero no para todo el mundo: así se pueden conseguir los billetes sin coste
- Los empleados públicos del Principado son el “quinto concejo” de Asturias y el próximo año serán 1.500 más
- “Hay meses que es insostenible”, gritan los autónomos de Asturias en una multitudinaria manifestación para reclamar “condiciones dignas”
- La Aemet alerta de temporal en la costa de Asturias: así comienza el mes de diciembre
- La Canal del Texu, tan peligrosa como el Cares: 'La gente tiene que ser más consciente de que es alta montaña
- El 'sensato' retorno de la mascarilla a Asturias: 'Debemos ser responsables
