La cifra d'asturianos n'espera pa operase crez por cuartu mes consecutivu
Magar el aumentu del volume de pacientes pendientes de pasar pel quirófanu, el tiempu de demoranza media baxó de 94 díes en septiembre a 88 díes n'ochobre
Intervención quirúrxica nel HUCA. / LNE
La cifra d'asturianos en llista d'espera pa operase aumentó n'ochobre por cuartu mes consecutivu, hasta asitiar en 22.548 pacientes.
Depués d'un descensu siguíu ente febreru y xunu d'esti añu, los datos tornaron a pesar del entamu d'hores estraordinaries por parte de médicos de toles especialidaes de la sanidá pública asturiana.
Magar el aumentu del volume de pacientes pendientes de pasar pel quirófanu, el tiempu de demoranza media baxó de 94 díes en septiembre a 88 díes n'ochobre.
Salú sorraya la meyora interañal
El comunicáu espublizáu esti día pola Conseyería de Salú del Principáu amuésase más optimista porque fae comparanza de los datos actuales colos d'un añu primero. “Los pacientes qu'aguarden una intervención son 1.238 menos que va un añu”, indica Salú.
Según la citada nota, el Serviciu de Salú del Principáu (Sespa) “algamó n'ochobre diez meses consecutivos de descensu interañal de les llistes d'espera y la demoranza media”.
A lo llargo del mes pasáu, “los hospitales realizaron 6.318 operaciones programaes, lo que supon la segunda mayor cifra pa un mes d'ochobre de los ocho años postreros y supera por muncho los rexistros previos a la pandemia”, precisa'l comunicáu de la Conseyería.
D'otru llau, los médicos de los hospitales atendieron 174.816 consultes n'ochobre, “un 20% más qu'en septiembre, y mui perriba de los rexistros previos a la pandemia”. Esta actividá “permite qu'a lo llargo de tou esti añu les demorances se caltuvieren per debaxo del exerciciu pasáu”, indica la nota de Salú.
"Cola ayuda del Gobiernu del Principáu d'Asturies"
- El rock español pierde a su último titán: muere Jorge Martínez, líder de 'Ilegales', a los 70 años
- La nueva ruta que llegará al aeropuerto de Asturias a partir de mayo (y con una compañía que nunca operó en la región)
- Las últimas palabras de Jorge Martínez, líder de 'Ilegales', antes de fallecer: 'Quiero borrar esta parte de mi vida
- Shock por la muerte de Jorge Martínez, líder de 'Ilegales' y 'un gran corazón que jugaba a ser macarra': las sentidas palabras de Víctor Manuel, Loquillo, Dani Martín, Luz Casal, Bunbury, Calamaro...
- Bolgues, el palacio encantado de Las Regueras donde era feliz Jorge Martínez: allí le llegó la vocación y siempre fue su refugio reparador
- Una pareja de menos de 25 años compra una casa de 'más de 40 años abandonada' en el entorno rural asturiano: sin luz, ni fontanería, 'cualquier consejo es bienvenido
- Familia, amigos y colegas de la música, 'devastados' con la muerte de Jorge 'Ilegal': 'Casi era inmortal, joder
- El mejor Roscón de Reyes artesano se prepara en Asturias: estos son los obradores que compiten (de momento) por la mejor receta
