El Principáu aprueba seis parques eólicos que rescatara Competencia n'ocho conceyos del Occidente
Los 34 nuevos aeroxeneradores van instalase en Vilanova d'Ozcos, Taramundi, Eilao, Santiso d'Abres, A Veiga, Castropol, Boal y Coaña
Eólicos nuna sierra asturiana. / A. M. Serrano
La conseyería de Ciencia, Industria y Empléu autorizó la construcción de seis parques eólicos nel occidente d'Asturies. Toes estes instalaciones enerxétiques, impulsaes pol grupu madrilanu Capital Energy, fueren rescataes pola Comisión Nacional de los Mercaos y la Competencia (CNMV) dempués de que Rede Eléctrica d'España camentara retira-yos los permisos de conexón por incumplir plazos alministrativos.
Los parques que llograron agora l'autorización alministrativa de construcción son los denominaos Turia, Sierra d'Eirúa, Brañadesella, Pousadoiro, Lausia y Herradura, que se van allugar en terrenes de los conceyos de Taramundi, Vilanova d'Ozcos, Eilao, Santiso d'Abres, A Veiga, Castropol, Boal y Coaña. En xunto van axuntar 34 aeroxeneradores con una potencia total instalada de más de 177 megavatios (MW).
Toos estos proyeutos de parques eólicos nel Occidente llevaben años de tramitación y el promotor tuvo qu'afayalos a los requerimientos qu'impunxo'l Gobiernu asturianu nel procesu d'evaluación ambiental. En dellos casos, por exemplu, tuvieron que se mover torres eóliques p'alloñales de núcleos de población.
Los seis parques eólicos fueron "salvaos" l'añu pasáu pola Comisión Nacional de los Mercaos y la Competencia (CNMC), qu'evitó que perdieren los permisos d'accesu y conexón a la rede como pretendía l'operador del sistema, Rede Eléctrica, al considerar que nun llograren en plazu la declaración d'impactu ambiental. Capital Energy interpunxo conflictu énte la CNMV y esta dexó ensin efectu les comunicaciones de caducidá (qu'obligaben a retomar dende cero tola tramitación de los parques, que n'Asturies duren, de media, siete años) al considerar los efectos retroactivos de les resoluciones del Principáu.
La decisión de la CNMV dexó a Capital Energy prosiguir cola tramitación de los parques Turia, Sierra d'Eirúa, Brañadesella, Pousadoiro, Lausia y Herradura y esti día publicó la resolución pola que la conseyería de Ciencia, Industria y Empléu otorga autorización almimistrativa previa del modificáu de los proyeutos y l'autorización alministrativa de construcción. Con estes autorizaciones, los seis parques completen la tramitación alministrativa y, pa la so execución, van facé-yos falta les autorizaciones urbanístiques.
"Cola ayuda del Gobiernu del Principáu d'Asturies"
- El rock español pierde a su último titán: muere Jorge Martínez, líder de 'Ilegales', a los 70 años
- La nueva ruta que llegará al aeropuerto de Asturias a partir de mayo (y con una compañía que nunca operó en la región)
- Las últimas palabras de Jorge Martínez, líder de 'Ilegales', antes de fallecer: 'Quiero borrar esta parte de mi vida
- Los restaurantes asturianos, a rebosar de reservas hasta enero, detectan un cambio en las costumbres: 'Ahora arrasan las comidas en vez de las cenas
- Shock por la muerte de Jorge Martínez, líder de 'Ilegales' y 'un gran corazón que jugaba a ser macarra': las sentidas palabras de Víctor Manuel, Loquillo, Dani Martín, Luz Casal, Bunbury, Calamaro...
- Bolgues, el palacio encantado de Las Regueras donde era feliz Jorge Martínez: allí le llegó la vocación y siempre fue su refugio reparador
- Familia, amigos y colegas de la música, 'devastados' con la muerte de Jorge 'Ilegal': 'Casi era inmortal, joder
- El mejor Roscón de Reyes artesano se prepara en Asturias: estos son los obradores que compiten (de momento) por la mejor receta
