Xixón acueye esti vienres na Llaboral la final del II Premiu d'Asturianada Obdulia Álvarez "La Busdonga"
II Premiu d’Asturianada Obdulia Álvarez "La Busdonga". / Principáu
S. C.
La final de la segunda edición del Premiu d'Asturianada Obdulia Álvarez "La Busdonga" celébrase esti vienres, 28 de payares, a les 19.00 hores, nel Teatru de La Llaboral de Xixón, nuna xornada que va poner en valor la tradición musical asturiana y el talentu emerxente de la comunidá. La entrada ye llibre y de baldre hasta completar aforu.
El certame, afitáu como una referencia esencial nel ámbitu de la canción asturiana, axuntará sobre l'escenariu a delles de les voces con mayor proyeición del momentu. Les persones finalistes son:
- Categoría femenina: Alicia Villanueva Megido y Lorena Corripio López.
- Categoría masculina: Esteban Verdeja Martínez y Manuel Roza Llera.
- Categoría moza: Marina Carbajosa González y Néstor Díaz González.
II Premiu d’Asturianada Obdulia Álvarez La Busdonga. / Principáu
La dotación global del premiu asciende a 15.000 euros, distribuyíos nes trés categoríes: masculina (6.000 euros), femenina (6.000 euros) y moza (3.000 euros), dirixida a intérpretes menores de 22 años.
El xuráu va valorar el desempeñu de les persones participantes siguiendo los criterios recoyíos nes bases: conducta y actitú escénica, entonación y afinación, calidá de emisión y dicción vocal, ornamentación y matización, dificultá y variedá d'estilos y calidá llingüística.
La conseyería reivindica con esti certame'l legáu de la muyer que-y da nome y la importancia de la canción asturiana como patrimoniu cultural. El premiu rinde homenaxe a Obdulia Álvarez Díaz, "La Busdonga", una de les voces más destacaes del sieglu XX, reconocida pola so potencia vocal y pol so estilu únicu d'interpretar l'asturianada. La so forma de sentir y tresmitir esti xéneru convirtióla nun símbolu de la música popular asturiana y sigue siendo güei una fonte inagotable d'inspiración pa xeneraciones nueves d'intérpretes.
"Cola ayuda del Gobiernu del Principáu d'Asturies"
- El rock español pierde a su último titán: muere Jorge Martínez, líder de 'Ilegales', a los 70 años
- La nueva ruta que llegará al aeropuerto de Asturias a partir de mayo (y con una compañía que nunca operó en la región)
- Las últimas palabras de Jorge Martínez, líder de 'Ilegales', antes de fallecer: 'Quiero borrar esta parte de mi vida
- Los restaurantes asturianos, a rebosar de reservas hasta enero, detectan un cambio en las costumbres: 'Ahora arrasan las comidas en vez de las cenas
- Shock por la muerte de Jorge Martínez, líder de 'Ilegales' y 'un gran corazón que jugaba a ser macarra': las sentidas palabras de Víctor Manuel, Loquillo, Dani Martín, Luz Casal, Bunbury, Calamaro...
- Bolgues, el palacio encantado de Las Regueras donde era feliz Jorge Martínez: allí le llegó la vocación y siempre fue su refugio reparador
- Familia, amigos y colegas de la música, 'devastados' con la muerte de Jorge 'Ilegal': 'Casi era inmortal, joder
- El mejor Roscón de Reyes artesano se prepara en Asturias: estos son los obradores que compiten (de momento) por la mejor receta
