Esta ye la teunolóxica catalana que cuenta instalase n'Asturies (y estos son los empleos d'altu perfil que va crear)
ByteTravel, compañía de xestión dixital de visaos y en plenu desarrollu en saliendo a Bolsa, escueye Asturies pa la so primer espansión fuera de Barcelona
Oficina de ByteTravel en Barcelona. / ByteTravel
La compañía teunolóxica catalana ByteTravel, especializada na xestión de visaos pa turismu y negocios, ta rematando l'apertura d'una sede n'Asturies que va tener ente 15 y 20 trabayadores d'altu perfil teunolóxicu, según confirmaron fontes conocedores. L'allugamientu definitivu entá tien de concretase, pero la empresa ta sondiando localizaciones nes Cuenques, particularmente la del Caudal, onde restola espacios pertenecientes a Hunosa y la Sociedá pal Desarollu de les Cuenques Mineres (Sodeco).
ByteTravel foi fundada en Barcelona en 2021 por Axel Serena, veteranu nel ámbitu del emprendimientu dixital, y dende entós protagonizó una espansión bultable. L'añu pasáu empezó a cotizar en Bolsa, na plataforma BME Scaleup, entamada pa negocios con una probada sienda de crecimientu. Nel primer semestre d'esti añu, la compañía llogró unos ingresos de 7,6 millones d'euros, un 59% más qu'un añu primero. Anguaño tien unos 70 profesionales na so sede de Barcelona, pero'l so desarrollu pide más efectivos. Serena escoyó Asturies pa la so primer espansión productiva fuera de Cataluña (tien oficina comercial en Madrid). La inversión va andar alredor de los 1,5 millones d'euros.
ByteTravel cuenta entamar les contrataciones primero que remate l'añu. La empresa busca inxenieros informáticos con esperiencia, a los que va ufiertar "bones" condiciones económiques, indicaron les fontes al tantu.
La empresa yá tien vinculaciones con Asturies, cuidao qu'ún de los miembros del so conseyu d'alministración ye'l xixonés Pablo Martín, presidente de la teunolóxica Izertis. Serena y Martín collaboraron n'operaciones empresariales del sector dixital.
Los planes de ByTravel n'Asturies van detallase nuna visita que Serena va realizar al Principáu'l próximu 15 d'avientu.
"A munchos empresarios d'Asturies éntra-yos un mieu enorme a la de buscar estratexes pa crecer", afirmó esti día Javier García, direutor de la Oficina de Crecimientu de la Federación Asturiana d'Empresarios (FADE), creada en 2023 pa incrementar el tamañu mediu del texíu productivu asturianu. Anguaño, la entidá asesora a una quincena de compañíes, sobremanera del sector agroalimentariu.
"Cola ayuda del Gobiernu del Principáu d'Asturies"
- Las razones de la fuerte eclosión de la colonia balear en Asturias: 'Las islas están masificadas, el norte es tranquilidad
- El Supremo tumba la estabilización docente de Asturias por vulnerar los derechos de las personas con discapacidad
- Llega el AVE gratis a Asturias, pero no para todo el mundo: así se pueden conseguir los billetes sin coste
- Los empleados públicos del Principado son el “quinto concejo” de Asturias y el próximo año serán 1.500 más
- Los restaurantes asturianos, a rebosar de reservas hasta enero, detectan un cambio en las costumbres: 'Ahora arrasan las comidas en vez de las cenas
- Fallece Marisa Lacera, cofundadora del grupo de limpieza Lacera, el tercer mayor empleador privado de Asturias
- La localidad quirosana de Aciera se supera a sí misma otro año más: ninguna casa sin luces en el pueblo más navideño del mundo
- Fuerte rechazo de los alcaldes asturianos (de todos los partidos) a la tasa turística pactada en los Presupuestos
