ArcelorMittal va fabricar n'Asturies la chapla de los primeros barcos de cruceru de luxu ensin emisiones, que promueve'l holding de Gucci y Balenciaga
Ponant, la compañía naval de la familia Pinault, va usar aceru "verde" producíu en Xixón en barcos propulsados por renovables
Imaxe virtual d'ún de los barcos d'emisiones cuasi nules de Ponant. / Stirling Desing International
Los primeros barcos de cruceru del mundu con emisiones cuasi nules van fabricase con aceru asturianu. La compañía francesa Ponant Explorations Group, líder nel segmentu de los cruceros oceánicos de luxu, firmó un memorandu con ArcelorMittal que tien como oxetivu final el suministru de chapla gruesa pa los nuevos barcos "verdes" de la compañía, que van tener propulsión eólica (por aciu de veles ríxides), con paneles solares y con combustibles renovables. L'aceru tamién se va fabricar con baxes emisiones y va ser lamináu nel tren de chapla gruesa de Xixón.
Ponant, con sofitu de fondos europeos y del Gobiernu de Francia, entamó'l proyeutu Swap2Zero, que tien por oxetivu amenorgar les emisiones de gases d'efectu invernaderu de los sos nuevos barcos de cruceru en más del 80%. La meta nun ye namás descarbonizar el sistema de propulsión, tamién la construcción de los buques y los sos componentes pa caminar hacia l'oxetivu de les cero emisiones netes. Nesa llinia, la compañía de cruceros de luxu firmó un memorandu d'entendimientu con ArcelorMittal pol que les dos empreses van trabayar xuntes pa integrar chaples grueses d'aceru recicláu producíes con enerxía renovable y con baxes emisiones de carbonu (XCarb) en Xixón nel procesu de construcción naval de Ponant. L'oxetivu final ye construyir el 100% de los cascos de los buques utilizando aceru XCarb d'ArcelorMittal.
La multinacional siderúrxica va certificar, con sellos independientes, la chapla producida con baxes emisiones y la compañía de cruceros (propiedá d'Artémis, el holding de la familia Pinault al que pertenecen tamién les marques Gucci, Balenciaga, Yves Saint Laurent, Puma, Conforama o la casa de puyes Christie´s) comprométese a que los astilleros qu'escueye pa construyir los sos barcos utilicen, siempre que seya posible, les chaples grueses XCarb d'ArcelorMittal fabricaes n'Asturies.
"Cola ayuda del Gobiernu del Principáu d'Asturies"
Suscríbete para seguir leyendo
- El rock español pierde a su último titán: muere Jorge Martínez, líder de 'Ilegales', a los 70 años
- La nueva ruta que llegará al aeropuerto de Asturias a partir de mayo (y con una compañía que nunca operó en la región)
- Las últimas palabras de Jorge Martínez, líder de 'Ilegales', antes de fallecer: 'Quiero borrar esta parte de mi vida
- Los restaurantes asturianos, a rebosar de reservas hasta enero, detectan un cambio en las costumbres: 'Ahora arrasan las comidas en vez de las cenas
- Shock por la muerte de Jorge Martínez, líder de 'Ilegales' y 'un gran corazón que jugaba a ser macarra': las sentidas palabras de Víctor Manuel, Loquillo, Dani Martín, Luz Casal, Bunbury, Calamaro...
- Bolgues, el palacio encantado de Las Regueras donde era feliz Jorge Martínez: allí le llegó la vocación y siempre fue su refugio reparador
- Familia, amigos y colegas de la música, 'devastados' con la muerte de Jorge 'Ilegal': 'Casi era inmortal, joder
- El mejor Roscón de Reyes artesano se prepara en Asturias: estos son los obradores que compiten (de momento) por la mejor receta
