Un percorríu pela villa romana de La Estaca, en Les Regueres, a 1,5 kilómetros de distancia: asina va ser la visita
La casa de cultura de Santuyanu va ufiertar una esperiencia inmersiva, con gafes de realidá virtual, con narración n'español ya inglés
La escavación del mosaicu en 2019. / Miki López
Un percorríu empobináu pela villa romana de La Estaca que se va realizar a 1,5 kilómetros de distancia, dende la casa de cultura de Les Regueres. Esa ye la esperiencia inmersiva que'l Conceyu va ufiertar al visitante nún de los proyeutos turísticos qu'impulsa con financiación de fondos europeos.
L'oxetivu d'esta iniciativa ye "sopelexar el patrimoniu arqueolóxicu local", utilizando una recreación tridimensional de la villa romana "na so dómina de máxima rellumanza, con navegación visual llibre y audiu envolvente". El públicu puede, cola ayuda d'unes gafes de realidá virtual, somorguiase nel yacimientu ente cuatro y seis minutos. Les esplicaciones van dase n'español y n'inglés.
La empresa contratada pa desarrollar el proyeutu va ellaborar, amás, un audiovisual informativu d'unos cinco minutos, tamién n'español y n'inglés. Va xenerase un modeláu 3D del conxuntu arquiteutónicu de la villa, basándose na información suministrada pol estudiu arqueolóxicu.
El proyeutu inicial
Los conteníos, reflexa'l proyeutu, "tienen de ser diseñaos pa ufiertar una esperiencia museográfica completa, coherente y progresiva, que seya quien a activar los sentíos del visitante y reforzar el discursu espositivu nes sos estremaes fases". El contratu yá foi axudicáu pol Conceyu de Les Regueres a la empresa Visual it Networks por 59.290 euros. Cuéntase con que los conteníos s'entreguen a lo llargo de la primavera del añu qu'entra.
El yacimientu de la villa romana d'Andayón, que va ser visitáu dende la Casa de cultura de Santuyanu, acueye cada branu campañes arqueolóxiques. El Conceyu decidiérase por facer visitable'l mosaicu descubiertu en 2019 al par del yacimientu, pero les condiciones afites pola Conseyería de Cultura pa garantizar el so caltenimientu nun lo permitieron.
Ello ye que s'escoyó otra opción: que pueda vese dende la distancia aprovechando la teunoloxía de la realidá virtual. Esti ye ún de los cuatro proyeutos incluyíos dientro del plan turísticu de Les Regueres, con una cuantía total xube a 357.492 euros.
"Cola ayuda del Gobiernu del Principáu d'Asturies"
- La suerte del Niño alcanza Asturias: el primer premio deja en Avilés y Colloto (Oviedo) 'el mejor regalo de Reyes
- La familia asturiana Cosmen mantiene su empeño en operar trenes en el Eurotúnel, pese al primer revés
- Todos los cambios de última hora que afectan a las cabalgatas de Reyes de Asturias por el temporal 'Francis': un desfile suspendido, varios adelantos de hora, recortes en el recorrido...
- La borrasca 'Francis' ya azota Asturias: 28 puertos exigen cadenas, en Pajares ya no pueden circular camiones y nieva en el Huerna
- La Aemet advierte de una 'anomalía' que llega a Asturias la próxima semana: calor y lluvias fuera de lo común
- Asturias, región más afectada por el temporal de nieve y hielo: éstas son todas las carreteras con problemas
- Los ingenieros hablan: creen que la línea de AVE de Asturias es apta para los nuevos trenes de mercancías y que el Gobierno solo busca 'ganar tiempo
- Indra lanza su oferta de empleo para El Tallerón y estos son los perfiles que demanda: desde ingenieros mecánicos y electrónicos con experiencia a recién titulados y estudiantes de FP en prácticas
