Asturies da-y puxu a la proyeición esterior de l'anovación
Sekuens va sofitar más d'una trentena de proyeutos de 25 entidaes con 639.000 euros
Ayudes a l'anovación. / LNE
Asturies va afalar la proyeición esterior de l'anovación, sofitando financieramente más de trenta proyeutos de tresferencia de conocimientu y de promoción internacional de l'actividá investigadora y teunolóxica. L'axencia Sekuens, encargada de xestionar la convocatoria, aprobó sofitar les solicitúes de 25 entidaes, pa lo que va destinar 639.000 euros.
La nueva llinia d'ayudes pa da-y puxu a l'anovación collaborativa ya internacional recibió 36 solicitúes, lo que confirma "l'interés del texíu productivu y científicu por reforzar el so allugamientu en proyeutos internacionales, avanzar na valorización teunolóxica y acelerar la tresferencia al mercáu".
El programa, en collaboración cola Fundación pa la Investigación Científica y Teunolóxica n'Asturies (Ficyt), funde les subvenciones empobinaes a sofitar la tresferencia de conocimientu y teunoloxía, y tamién la internacionalización de la I+D+i.
Les empreses podíen acoyese na so solicitú a cuatro modalidaes estremaes: tresferencia de teunoloxía transnacional, misiones internacionales, participación en propuestes internacionales d'I+D+i y consultoría pa esti tipu de propuestes.
Al cabu, la llinia más demandada foi la de participación en propuestes internacionales d'I+D+i, empobinada a financiar les aiciones preparatorias p'allegar a programes europeos y multillaterales, con 19 proyeutos sofitaos. La modalidá de tresferencia de teunoloxía tresnacional, concebida pa sofitar la valorización, maduración teunolóxica y la collaboración con axentes internacionales va sofitar 12 proyeutos.
En total, la nueva llinia d'ayudes va contribuyir a movilizar 917.640 euros que van ayudar a asitiar internacionalmente proyeutos d'investigación y desarrollos teunolóxicos asturianos.
"Cola ayuda del Gobiernu del Principáu d'Asturies"
- Multado con 200 euros por llevar la baliza v-16 pero no tener el otro elemento obligatorio en la guantera en caso de avería: la Guardia Civil vigila los coches asturianos
- Las razones de Nacho Manzano para cerrar su restaurante de Oviedo con estrella Michelin: “Era imposible mantener el nivel por falta de tiempo”
- Muere el pasajero de un avión en el Aeropuerto de Asturias: una viajera y sanitarios de una UVI móvil desplazada (el aeródromo ya no tiene ambulancia) intentaron reanimarle
- Multado con 800 euros por no llevar el papel actualizado en el coche: la Guardia Civil vigila las clásicas carpetillas de la guanteras de los asturianos
- Fallece Graciano Torre, exconsejero de Industria de Asturias y exalcalde de San Martín del Rey Aurelio: 'Era un político ejemplar
- Nacho Manzano sopesa el cierre de su restaurante con estrella Michelin NM
- Lo que han conseguido los médicos con la huelga en Asturias: guardias de 12 horas, más sueldo para los MIR, menos penalización si trabajan en la privada...
- El increíble 'boom' en Asturias por el ansiado eclipse solar: alojamientos casi llenos (incluso barcos) y 950 euros por noche
