La idea d'una empresa xixonesa pa les uves de Fin d'Añu que ta dando la campanada estes Navidaes
Na compañía Portachiavi discurren unes bandexes pa cuntar la fruta que trunfen en toa España: "Funcionen xenial"
VÍDEO: Nico Martínez / FOTO: Marcos León
Ángela García Calleja, la responsable del corte láser de la empresa xixonesa de decoraos Portachiavi, inda recuerda los discutinios que tenía colos sos siete hermanos cada Nuechevieya cuando yeren pequeños. "Siempre tábemos mirando por si dalgún tenía dalguna de les nuestres doce uves. Perdíemos muncho tiempu cuntándoles", afirma García. Faciendo mientes, esti añu decidió llanzar bandexes nes que poder axeitar les doce uves, unos adornos que "tán trunfando bien dello".
Tanto García Calleja como los demás integrantes d'esta empresa que lidera'l so fíu, Alejandro Gil, coinciden en que l'ésitu algamáu con estes novedoses bandexes resultó clave pa que la Navidá de 2025 seya la meyor en ventes pa Portachiavi.
"Ye plasmante lo bien que tán funcionando. Llevamos yá unos 1.600 unvíos en total, un 30% más de lo que fiximos na Navidá de 2020, na que consiguimos l'anterior récord", espliquen, primero de poner el focu nel impactu que tuvieron los vídeos publicaos por García Calleja nes redes sociales de "Bolasdenavidad.es", el nome de la estensión de la empresa Portachiavi pa estes feches.
A pesar de ser una firma qu'a lo llargo del añu especialízase na producción en 3D, en Navidá opten pol corte y escaniáu con teunoloxía láser. "El 3D ye más lentu y d'esa manera nun díbemos poder atender a tolos pidíos que nos lleguen de delles partes d'España", remarca García Calleja. Más allá de les bandexes p'asitiar les doce uves, dende esti negociu xixonés tamién tán vendiendo otres novedaes, como bandexes pal pasu peles viviendes de los Reis Magos y renos con ales d'ánxel pa homenaxar a los que yá nun tán "pero siguen nos nuestros corazones".
"Cola ayuda del Gobiernu del Principáu d'Asturies"
- Muere el pasajero de un avión en el Aeropuerto de Asturias: una viajera y sanitarios de una UVI móvil desplazada (el aeródromo ya no tiene ambulancia) intentaron reanimarle
- La familia asturiana Cosmen mantiene su empeño en operar trenes en el Eurotúnel, pese al primer revés
- Incertidumbre en el ministerio de Puente: ¿podrán los nuevos trenes de mercancías pasar por la línea del AVE asturiano?
- Las razones de Nacho Manzano para cerrar su restaurante de Oviedo con estrella Michelin: “Era imposible mantener el nivel por falta de tiempo”
- La Aemet advierte de una 'anomalía' que llega a Asturias la próxima semana: calor y lluvias fuera de lo común
- Nacho Manzano sopesa el cierre de su restaurante con estrella Michelin NM
- Los 850 empleos que Indra ofrecerá en Asturias: los perfiles que demanda (desde ingenieros a estudiantes de FP) y cómo optar a ellos
- Lo que han conseguido los médicos con la huelga en Asturias: guardias de 12 horas, más sueldo para los MIR, menos penalización si trabajan en la privada...
