Nacen dos nuevos clústeres n'Asturies, el de bioempreses y el del agua, con sofitu del Principáu
La Conseyería de Ciencia concede subvenciones de 415.194 euros pa reforzar l'actividá de les agrupaciones sectoriales
Xunta del clúster Metaindustry4. / Pablo Solares
El Gobiernu d'Asturies va afalar con sofitu económicu l'entamu de dos nuevos clústeres asturianos: l'Asociación de Bioempreses d'Asturies (Bioasturias) y el Clúster del Agua.
La Conseyería de Ciencia, Industria y Empléu, concedió subvenciones por importe de 415.194 euros pa reforzar l'actividá de los clústeres asturianos. Les ayudes, xestionaes pola Axencia Sekuens, van permitir movilizar una inversión global de 629.493 euros.
La convocatoria enxaretase en trés llinies de sofitu complementaries: una empobinada a favorecer la creación de nueves organizaciones, otra pa potenciar la dinamización de los clústeres yá esistentes y la postrera destinada a impulsar proyeutos collaborativos ente estes entidaes.
En total, aprobáronse 16 proyeutos de 13 entidaes. Ente les iniciatives que recibieron sofitu económicu destaca l'entamu de dos nuevos clústeres: l'Asociación de Bioempreses d'Asturies (Bioasturias) y el Clúster del Agua. Tamién se sofitaron actuaciones de dinamización n'organizaciones afitaes como Asturies Hub Defensa, MetaIndustry4 y Clúster TIC Asturies.
Nel apartáu de proyeutos collaborativos, rescamplen iniciatives como'l desenvolvimientu d'una plataforma intelixente pal accesu unificáu a llicitaciones públiques y un proyeutu pal diseñu y validación de soluciones de xeneración d'enerxía llimpia por aciu de turbines ya internet de les coses (IoT).
Dende 2019, esti programa sofitó 65 proyeutos de 20 beneficiarios, con una subvención apecuñada de 1.750.326 euros que movilizó inversiones por valor de 2.551.724 euros.
"Cola ayuda del Gobiernu del Principáu d'Asturies"
- Multado con 200 euros por llevar la baliza v-16 pero no tener el otro elemento obligatorio en la guantera en caso de avería: la Guardia Civil vigila los coches asturianos
- Las razones de Nacho Manzano para cerrar su restaurante de Oviedo con estrella Michelin: “Era imposible mantener el nivel por falta de tiempo”
- Muere el pasajero de un avión en el Aeropuerto de Asturias: una viajera y sanitarios de una UVI móvil desplazada (el aeródromo ya no tiene ambulancia) intentaron reanimarle
- Multado con 800 euros por no llevar el papel actualizado en el coche: la Guardia Civil vigila las clásicas carpetillas de la guanteras de los asturianos
- La borrasca "Harry" se deja notar en Asturias, pero lo peor llegará el jueves por la costa con un aviso de "peligro importante"
- Fallece Graciano Torre, exconsejero de Industria de Asturias y exalcalde de San Martín del Rey Aurelio: 'Era un político ejemplar
- Nacho Manzano sopesa el cierre de su restaurante con estrella Michelin NM
- Lo que han conseguido los médicos con la huelga en Asturias: guardias de 12 horas, más sueldo para los MIR, menos penalización si trabajan en la privada...
