El nuevu añu va traer axustes llaborales en grandes empreses n'Asturies: estes son les afectaes
ArcelorMittal, que clausuró l'últimu día del 2025 el sínter "B" de la factoría siderúrxica de Xixón; Duro Felguera, Ence y Telefónica van menguar los sos puestos na comunidá
El nuevu añu va traer axustes llaborales en grandes empreses n'Asturies. / LNE
Esti añu 2026 va ser d'axustes llaborales en grandes empreses arraigonaes n'Asturies. ArcelorMittal, Duro Felguera, Ence y Telefónica van recortar puestos nos sos centros de trabayu.
ArcelorMittal
La multinacional siderúrxica zarró'l 31 d'avientu definitivamente'l sínter "B" de la factoría de Xixón, una de les dos instalaciones nes que se prepara'l mineral de fierro (apellocáu a altes temperatures) pa utilizalo nos dos fornos altos de Veriña. La instalación yá nun cumple los requisitos medioambientales y tien de dexar de producir. Cola clausura del sínter van sumir 30 empleos. Nun va haber despidos, pero sí tresllaos a otros departamentos que van tener efectu sobre'l volume de trabayadores eventuales. Amás, ArcelorMittal cuenta entamar a finales del primer trimestre de 2026 el nuevu fornu híbridu d'arcu eléctricu pa productos llargos de Xixón, qu'inclúi meyores n'automatización que va requerir menos personal na acería de Xixón. Nesti casu, l'axuste va ser de 70 puestos.
Duro Felguera
La centenaria compañía asturiana d'inxeniería industrial y bienes d'equipu apautó'l branu pasáu un espediente de regulación d'empléu (ERE) que preve la salida de 180 trabayadores hasta xunu de 2026. Pel momento yá salieron 110, lo que supon el 60% de lo previsto. Amás, el plan de reestructuración que presentó la compañía pa evitar el concursu d'acreedores, y que tien de ser ratificáu pol xuez, contempla un fuerte adelgazamientu de l'actividá y la plantía de Duro Felguera hasta dexala nunos 500 trabayadores.
Ence
La compañía propietaria de la planta de producción de celulosa y enerxía de Navia apautó'l 18 d'avientu pasáu un procedimientu de despidu colectivu pa la fábrica de Pontevedra y pa les oficines centrales de Galicia, Madrid y Navia qu'inclúi'l desaniciu d'hasta 57 contratos ente'l 1 de xineru de 2026 y el 31 d'avientu de 2027. Amás, ta negociándose otru procedimientu d'axuste na filial a la que pertenez la fábrica de Navia.
Telefónica
La compañía de telecomunicaciones abrió'l llunes pasáu'l plazu d'adhesión voluntaria al ERE entamáu en siete filiales del grupu n'España. Les salíes de cuandu menos 4.525 trabayadores van empezar nel primer trimestre de 2026. Los trabayadores afectaos son los nacíos en 1971 y n'años anteriores. N'Asturies son 86 trabayadores, pero eso nun quier dicir que salgan toos de la compañía. Esos 86 son los que tienen la posibilidá d'axuntase a les condiciones del ERE, que los sindicatos firmantes del alcuerdu calificaron de "bones". Cuenten con qu'heba un 90% d'adhesiones, como nel anterior ERE.
"Cola ayuda del Gobiernu del Principáu d'Asturies"
- Muere el pasajero de un avión en el Aeropuerto de Asturias: una viajera y sanitarios de una UVI móvil desplazada (el aeródromo ya no tiene ambulancia) intentaron reanimarle
- La familia asturiana Cosmen mantiene su empeño en operar trenes en el Eurotúnel, pese al primer revés
- Incertidumbre en el ministerio de Puente: ¿podrán los nuevos trenes de mercancías pasar por la línea del AVE asturiano?
- Las razones de Nacho Manzano para cerrar su restaurante de Oviedo con estrella Michelin: “Era imposible mantener el nivel por falta de tiempo”
- La Aemet advierte de una 'anomalía' que llega a Asturias la próxima semana: calor y lluvias fuera de lo común
- Nacho Manzano sopesa el cierre de su restaurante con estrella Michelin NM
- Los 850 empleos que Indra ofrecerá en Asturias: los perfiles que demanda (desde ingenieros a estudiantes de FP) y cómo optar a ellos
- Lo que han conseguido los médicos con la huelga en Asturias: guardias de 12 horas, más sueldo para los MIR, menos penalización si trabajan en la privada...
