El "boom" de les viviendes d'usu turísticu n'Avilés en cifres: asina evolucionó'l sector nel últimu añu
Los propietarios quéxense de la burocracia pa llegalizar los sos negocios
Turistes nel centru d'Avilés. | MARA VILLAMUZA
El puxu de les Viviendes d'Usu Turísticu (VUT) sigue imparable n'Avilés. Según el rexistru del Principáu d'Asturies, a lo llargo del añu pasáu'l conceyu axuntó 136 nueves cames nesti tipu d'establecimientos, estremaes en 26 viviendes. El cascu antiguu y les cais que llenden con él concentren lo más d'estos negocios a los que l'alministración quier recuartar.
El pasáu 2025 va ser, ensin dulda nenguna, ún de los años clave nel crecimientu de les VUT n'Avilés. Por dos motivos fundamentales: en xineru súpose que'l Tribunal Superior de Xusticia d'Asturies valtaba definitivamente'l decretu de l'Alcaldía que regulaba les llicencies d'esti tipu d'establecimientos n'Avilés, depués d'un recursu interpuestu por Vox al que yá diera la razón el Xulgáu de lo Contencioso-Alministrativu númberu 3 d'Uviéu.
Y tamién porque l'añu pasáu tuvo llugar un finxu significativu: per primer vegada les VUT axuntaron más cames que los hoteles nel conceyu. El mes de xunu pasáu, les viviendes turístiques trespasaron la barrera de les 702 cames, que son les qu'ufierten anguaño los hoteles del conceyu. Anguaño, esi "sorpasso" afitóse, con un total de 777 cames, estremaes en 160 establecimientos VUT.
Recuartar estes viviendes ye una de les prioridaes de l'alministración. Dende abril, pa dar d'alta una vivienda turística fai falta tener l'aprobación de la comunidá de propietarios. Amás, ye obligatorio llograr llicencia municipal y apuntase nel rexistru del Principáu. Frayar estes normes puede traer multes d'hasta 600.000 euros.
Coles mesmes, el Conceyu tien ente los sos planes tratar de regular les viviendes. Depués del revés xudicial del añu pasáu, la intención del executivu municipal ye regular les VUT al traviés de la revisión del Plan Xeneral d'Ordenación, que'l Consistoriu cuenta con entamar a lo llargo d'esti añu. Ello ye que, pel momento, nun se concretó cómo.
La tramitación actual nun convence a tolos propietarios de viviendes, que denuncien que se ven envueltos "nun enguedeyu alministrativu" pa dar d'alta les sos VUT. "Col arriendu convencional enfrentes a los inquiocupes, y pa dar d'alta una vivienda turística acabes gastando un dineral en trámites", critica una empresaria que tien delles viviendes n'Avilés inscrites nel rexistru autonómicu y que pide caltener l'anonimatu y que sostien que'l mieu a los turistes ye "infundáu": "Ye mentira que xeneren problemes".
"Cola ayuda del Gobiernu del Principáu d'Asturies"
Suscríbete para seguir leyendo
- Multado con 200 euros por llevar la baliza v-16 pero no tener el otro elemento obligatorio en la guantera en caso de avería: la Guardia Civil vigila los coches asturianos
- Las razones de Nacho Manzano para cerrar su restaurante de Oviedo con estrella Michelin: “Era imposible mantener el nivel por falta de tiempo”
- Muere el pasajero de un avión en el Aeropuerto de Asturias: una viajera y sanitarios de una UVI móvil desplazada (el aeródromo ya no tiene ambulancia) intentaron reanimarle
- Multado con 800 euros por no llevar el papel actualizado en el coche: la Guardia Civil vigila las clásicas carpetillas de la guanteras de los asturianos
- La borrasca "Harry" se deja notar en Asturias, pero lo peor llegará el jueves por la costa con un aviso de "peligro importante"
- Fallece Graciano Torre, exconsejero de Industria de Asturias y exalcalde de San Martín del Rey Aurelio: 'Era un político ejemplar
- Nacho Manzano sopesa el cierre de su restaurante con estrella Michelin NM
- Lo que han conseguido los médicos con la huelga en Asturias: guardias de 12 horas, más sueldo para los MIR, menos penalización si trabajan en la privada...
