Salas quier alternar con Xixón, Barcelona o Londres: el conceyu postúlase pa ser Destín Turísticu Intelixente
N'aprobándose la xuntura nel últimu Plenu, el conceyal de Turismu de Salas, Alejandro Bermúdez, destaca'l saltu de visibilidá que va traer formar parte d'un programa que permitirá al Consistoriu optar a nueves subvenciones
Ambiente na última Feria Medieval de Salas. / T. Cascudo
Bilbao, Barcelona, Donosti, Benidorm, Xixón... Estes son delles de les ciudaes que formen parte de la rede Destín Turísticu Intelixente, un programa qu'afala ya impulsa a los conceyos que, per aciu de la teunoloxía, l'anovación y la sostenibilidá, busquen meyorar la esperiencia de los sos visitantes lo mesmo que garantizar la integridá de la calidá de vida de los residentes. Y Salas, depués d'aprobalo nel últimu Plenu estraordinariu del 2025, ta a puntu de formar parte d'una luxosa llista que, a nivel internacional, cuenta con capitales como Londres, Ámsterdam, Tokio, Toronto o Medellín.
Esta integración na rede Destín Turísticu Intelixente (DTI), programa impulsáu pola Secretaría d'Estáu de Turismu al traviés de SEGITTUR tien como oxetivu crear esperiencies más personalizaes, eficientes y enriquecedores pa los visitantes, al empar que busca un mayor beneficiu socioeconómicu y un desenvolvimientu sostenible pa la localidá. Tal qu'esplicó Alejandro Bermúdez, conceyal de Turismu de Salas, depués del Plenu estraordinariu, el programa DTI sofítase sobre cuatro exes: gobernanza, sostenibilidá, accesibilidá y nueves teunoloxíes.
Una vegada'l Plenu aprobó la xuntura al programa, d'equí p'alantre Salas encara un procesu d'evaluación al cargu de SEGITTUR, que va analizar el modelu turísticu de Salas y va determinar si'l conceyu cumple colos oxetivos pa entrar a formar parte de la rede, que, amás, va permitir que'l Conceyu aporte a subvenciones destinaes a turismu y que, amás del Consistoriu, tamién beneficiaríen al texíu empresarial local.
"Formar parte del programa Destín Turísticu Intelixente da, primero de too, permuncha visibilidá. Ponte al par de nomes bien importantes a nivel turísticu nacional", destacó Bermúdez, qu'amás insistió na importancia que supon pa Salas poder tener accesu a ayudes lo mesmo qu'a programes de formación.
Anguaño, dientro d'eses cuatro exes numberaes pol conceyal de Turismu, Salas va desenvolver dellos proyeutos que se van estender a lo llargo del próximu añu y que van poder entamase gracies a la subvención d'un millón d'euros que foi aprobada pal conceyu al traviés del Plan de Desenvolvimientu y Sostenibilidá Turística.
"Tamos faciendo munchos proyeutos que tienen impactu na puntuación final. Tenemos puesta la nuesa ilusión y esperanza en que la xuntura al programa va salir alantre y que vamos ser un Destín Turísticu Intelixente", concluyó Bermúdez.
"Cola ayuda del Gobiernu del Principáu d'Asturies"
- Multado con 200 euros por llevar la baliza v-16 pero no tener el otro elemento obligatorio en la guantera en caso de avería: la Guardia Civil vigila los coches asturianos
- Las razones de Nacho Manzano para cerrar su restaurante de Oviedo con estrella Michelin: “Era imposible mantener el nivel por falta de tiempo”
- Muere el pasajero de un avión en el Aeropuerto de Asturias: una viajera y sanitarios de una UVI móvil desplazada (el aeródromo ya no tiene ambulancia) intentaron reanimarle
- La familia asturiana Cosmen mantiene su empeño en operar trenes en el Eurotúnel, pese al primer revés
- Multado con 800 euros por no llevar el papel actualizado en el coche: la Guardia Civil vigila las clásicas carpetillas de la guanteras de los asturianos
- Fallece Graciano Torre, exconsejero de Industria de Asturias y exalcalde de San Martín del Rey Aurelio: 'Era un político ejemplar
- Nacho Manzano sopesa el cierre de su restaurante con estrella Michelin NM
- Los 850 empleos que Indra ofrecerá en Asturias: los perfiles que demanda (desde ingenieros a estudiantes de FP) y cómo optar a ellos
