Avilés axusta'l so nuevu cinturón industrial: asina se ven dende l'aire los cambios que l'actividá empresarial xenera na ría
El cambiu de los terrenes de Bateríes, la tresformación del Estrellín y la meyora de los cais de la marxe esquierda, xunto col proyeutu fotovoltaicu d'Azsa, aprucen nuevos espacios empresariales nel entornu de la ría
EN IMÁGENES | Avilés ajusta su nuevo cinturón industrial / Autoridad Portuaria
Más de 200.000 metros cuadraos disponibles nun entornu industrial y anovador y atractivu pa proyeutos estratéxicos y con una alta proyección de futuru. Asina presenta l'ente públicu estatal Sepides los terrenes de Bateríes polos qu'agora nagua'l Puertu d'Avilés pa completar les necesidaes de les empreses qu'operen en suelu portuariu na ciudá. Esi gran espaciu de suelu industrial, yá cuasi desentrastiáu dafechu depués de les xeres d'esmantelamientu y achatarramientu de les vieyes instalaciones de l'antigua Ensidesa, preséntase como una de les oportunidaes de futuru pa la tresformación industrial de la ciudá. A vista de páxaru (o de dron) ye posible facese una idea de les dimensiones d'esi suelu, que supera en superficie a dalgunos de los muelles avilesinos.
Les parceles tán allugaes nel terrén qu'ocupaben les antigües bateríes de coque, y depués de l'aprobación del cambiu urbanísticu nel Plenu del Conceyu, lo que Sepides plantegaba pal so comercialización –primero de que'l Puertu s'ofreciera pa facese con tola superficie–, ye que salieren al mercáu solares d'ente 6.000 a 70.000 metros cuadraos p'atraer proyeutos amestaos a la industria y "xeneradores d'empléu de calidá", según Sepides.
El so allugamientu nun entornu bien comunicáu, xuníu al Parque Científicu Teunolóxicu Avilés Isla de la Innovación, arrodiáu de centros d'anovación y con accesu al Puertu d'Avilés faen qu'esti espaciu resulte atractivu pa nueves empreses amestaes a la industria a les que-yos faiga falta un espaciu ampliu. Esi ámbitu, con bonos accesos y fácil salida pal tresporte de productos de grandes dimensiones, queda agora a la espera de quien va presentar ufierta más ventaxosa pol suelu.
La otra gran tresformación urbanística y portuaria, frutu de l'aición conxunta de Conceyu, Autoridá Portuaria, Gobiernu del Principáu y Acciona, ta desenvolviéndose na marxe derecha de la ría, onde se van xenerar 80.000 metros cuadraos de suelu loxísticu pa usu portuariu, van remocicase les zones verdes esistentes, van construyise nuevos accesos viales y va convertise parte de la cantera del Estrellín asitiada al pie de l'antigua Alcoa nuna nueva zona forestal pa usu ciudadanu, permitiendo a Acciona, al tiempu, siguir la esplotación a cielu abiertu nuna nueva zona. Esa nueva imaxe yá ye visible al pie de les naves d'Alcoa que Windar va tresformar na so nueva fábrica pa la construcción de tramos de torres pa la eólica marina de grandes dimensiones.
Esa intervención na marxe derecha –que va garrando forma como un muriu escalonáu– va permitir recuperar la morfoloxía del terrén primero inclusive del entamu de la esplotación de la cantera y atendiendo a les necesidaes de la empresa Asturiana de Zinc, a la que-y fae falta suelu pa depósitos que se van rellenar de jarofix. D'esos cambios ocúpase Acciona, beneficiada col permisu d'esplotación nuna zona estremada p'ampliar la vida de la cantera. La otra gran tresformación, na marxe esquierda, tamién llega de la mano d'Asturiana de Zinc. Una panorámica de los cais de Raíces, onde va poco se completó una intervención de refuerzu y caltenimientu de les instalaciones, permite visibilizar, mui cerca d'ellí los trabayos qu'Azsa desenvuelve pal so proyeutu d'autoabastecimientu eléctricu por aciu de la instalación y esplotación de plaques solares nes sos antigües balses de xarosita coles mires d'empezar a xenerar enerxía nel entamu d'esti añu.
"Cola ayuda del Gobiernu del Principáu d'Asturies"
- Multado con 200 euros por llevar la baliza v-16 pero no tener el otro elemento obligatorio en la guantera en caso de avería: la Guardia Civil vigila los coches asturianos
- Las razones de Nacho Manzano para cerrar su restaurante de Oviedo con estrella Michelin: “Era imposible mantener el nivel por falta de tiempo”
- Muere el pasajero de un avión en el Aeropuerto de Asturias: una viajera y sanitarios de una UVI móvil desplazada (el aeródromo ya no tiene ambulancia) intentaron reanimarle
- Multado con 800 euros por no llevar el papel actualizado en el coche: la Guardia Civil vigila las clásicas carpetillas de la guanteras de los asturianos
- La borrasca "Harry" se deja notar en Asturias, pero lo peor llegará el jueves por la costa con un aviso de "peligro importante"
- Fallece Graciano Torre, exconsejero de Industria de Asturias y exalcalde de San Martín del Rey Aurelio: 'Era un político ejemplar
- Nacho Manzano sopesa el cierre de su restaurante con estrella Michelin NM
- Lo que han conseguido los médicos con la huelga en Asturias: guardias de 12 horas, más sueldo para los MIR, menos penalización si trabajan en la privada...
