Cultura publica la convocatoria d'ayudes p'afalar la creación lliteraria nes llingües d'Asturies
Llibros. / LNE
S. C.
La Conseyería de Cultura, Política Llingüística y Deporte del Gobiernu asturianu publicó nel Boletín Oficial del Principáu d'Asturies (BOPA) la convocatoria antemanada de subvenciones pa la creación lliteraria correspondiente a 2026, destinada a sofitar la ellaboración d'obres orixinales y inédites.
La convocatoria tien una dotación de 48.000 euros y les ayudes van concedese en réxime de concursu competitivu, con un plazu de 20 díes hábiles pa la presentación de solicitúes qu'entamó'l vienres, 9 de xineru.
Estes ayudes tienen como finalidá sofitar la vocación artística y lliteraria, favorecer el desenvolvimientu plenu de les capacidaes creatives de la ciudadanía y contribuyir al fortalecimientu del texíu cultural del Principáu, promoviendo la creación lliteraria en cualesquier de les llingües d'Asturies.
La convocatoria ta dirixida a persones asturianes o residentes nel Principáu mayores d'edá y contempla dos llinies de subvención, en función de si la persona solicitante desarrolla o non la so actividá de manera profesional nel ámbitu cultural. La llinia 1 diríxese a persones autónomes que se dediquen profesionalmente al ámbitu cultural, y la llinia 2 ta destinada a los que nun desenvuelvan la so actividá de forma profesional.
Les ayudes tán destinaes a la creación d'obres orixinales y inédites, que tendrán de tar escrites en castellán, asturianu o eonaviegu, en dalguna de les siguientes modalidaes: narrativa -novela, novela curtia o llibru de relatos-, poesía, teatru, cómic y novela gráfica, ensayu nel campu de les humanidaes y lliteratura xuvenil.
Cada persona beneficiaria va poder recibir una ayuda de 3.000 euros por proyeutu, que se van axudicar en función de la puntuación llograda na valoración de les iniciatives presentaes. Les obres subvencionaes tendrán de tar remataes enantes del 30 de setiembre del 2026.
"Cola ayuda del Gobiernu del Principáu d'Asturies"
- Multado con 200 euros por llevar la baliza v-16 pero no tener el otro elemento obligatorio en la guantera en caso de avería: la Guardia Civil vigila los coches asturianos
- Accidente ferroviario en Asturias: un convoy de cercanías se estampa contra un desprendimiento de tierras
- Multado con 800 euros por no llevar el papel actualizado en el coche: la Guardia Civil vigila las clásicas carpetillas de la guanteras de los asturianos
- Nuevo incidente en el AVE: Los viajeros de un tren de Asturias a Madrid, obligados a cambiar de convoy y a retroceder en el viaje
- La borrasca "Harry" se deja notar en Asturias, pero lo peor llegará el jueves por la costa con un aviso de "peligro importante"
- Consecuencias de la borrasca Ingrid en Asturias: la DGT cierra el Huerna y Pajares al tráfico para camiones
- Ya está en Asturias la borrasca 'Ingrid': la Aemet alerta de que provocará 'daños en paseos marítimos' y nevadas 'a cotas bajas
- La DGT alerta del temporal y pide a los asturianos evitar desplazarse en coche
