Intelixencia Artificial, robótica o exoesqueletos: Ciencia sofita la incorporación de teunoloxía intelixente en 32 empreses asturianes
Les ayudes tán destinaes a más d'una trentena de compañíes, que van permitir movilizar 11,3 millones y crear trece puestos de trabayu
Ayudes a la hiperautomatización. / LNE
Les empreses asturianes van recibir una inyeición de 5,7 millones pa incorporar teunoloxía intelixente, en concretu, pa desarrollar soluciones n'hiperautomatización. La Conseyería de Ciencia, Industria y Empléu aprobó la concesión d'ayudes a trece proyectos de 32 compañíes, que van permitir movilizar 11,3 millones y crear trece puestos de trabayu.
La convocatoria, xestionada pola empresa Sekuens, va permitir potenciar proyeutos d'investigación industrial o desenvolvimientu esperimental en collaboración, que tengan como finalidá l'entamu de soluciones d'hiperautomatización n'empreses y que tean enxaretaos nun de los sectores, ámbitos y teunoloxíes STEP (Plataforma de Teunoloxíes Estratéxiques pa Europa).
“Los proyeutos que se van beneficiar d'esti sofitu económicu dan-y al mercáu interior un elementu anovador, emerxente y de vanguardia con un potencial económicu significativu”, espliquen nel Principáu. Rescamplen aquellos enfocaos en fomentar l'usu d'exoesqueletos o de teunoloxíes como la Intelixencia Artificial. Tamién los asistentes pa la robotización intelixente o los ximielgos dixitales.
La resolución publicóse'l miercoles pasáu nel Boletín Oficial del Principáu (BOPA).
Toles actuaciones s'entamen alredor de delles llinies d'aplicación. Por exemplu, la categoría “Hiperia”, destinada al desenvolvimientu de soluciones d'hiperautomatización de procesos industriales per aciu d'intelixencia artificial, o “Ergobot”, pa la hiperautomatización industrial centrada nel trabayador per aciu d'exoesqueletos, IoT (Internet de les coses) ya intelixencia artificial.
Tamién esiste una llinia denominada “Hiperam” pal desenvolvimientu d'una célula robotizada pa fabricación aditiva per aciu de teunoloxía DED (Deposición Direuta d'Enerxía) en condiciones industriales reales. O “Hiperacer”, enfocada na investigación de nueves arquitectures pa l'acería del futuru.
Dende l'entamu d'esta llínea d'ayudes, en 2025, aprobáronse un total de 24 proyeutos de 48 empreses, pertenecientes la gran mayoría (quince) a medianes empreses; mentanto que diez proyeutos fueron presentaos por pequeñes empreses y once por microempreses.
"Cola ayuda del Gobiernu del Principáu d'Asturies"
Suscríbete para seguir leyendo
- Gran despliegue en el HUCA para trasladar a otras comunidades los órganos donados por un adolescente asturiano
- Multado con 200 euros tras colocar la baliza v-16 en una avería en autovía pero no tener la espuma en el maletero: la Guardia Civil vigila a los conductores asturianos
- Atención conductores asturianos, pone 10.000 multas en 3 días: la DGT estrena nuevo radar
- El duro escrito de más de cien católicos asturianos contra el Arzobispo por sus críticas a la regularización de inmigrantes: 'Nos sentimos avergonzados
- El kiwi asturiano, la excepción que confirma la regla con Mercosur: ¿por qué este producto sí puede verse beneficiado con el mercado sudamericano?
- El jefe de Rayos de un hospital asturiano admite 'notables retrasos' en la realización de mamografías (y desvela la causa)
- El efecto del accidente de Adamuz en el AVE asturiano: más billetes disponibles, más baratos y 'miedo' en algunos viajeros (aunque el tren 'sigue siendo muy seguro')
- El barrio más caro y más barato para vivir en las ciudades de Asturias: la diferencia es de 2.740 euros el metro cuadrado
