Los problemes d'Arcelor y Windar ablayen la producción industrial n'Asturies, segunda comunidá onde más cai
L'actividá fabril baxó un 5,3% en payares, coincidiendo cola inactividá del fornu altu "B" de la siderúrxica y la cancelación de contratos eólicos n'EE XX
Los fornos altos de Veriña. / ANGEL GONZALEZ
Asturies foi la segunda comunidá autónoma, namás per detrás de La Rioxa, onde más cayó la producción industrial el mes de payares pasáu: féxolo un 5,3% en comparanza col mesmu mes de 2024, según los datos del Índiz Xeneral de Producción Industrial (IPI) publicáu va unos díes pol Institutu Nacional d'Estadística (INE).
El baxón de l'actividá fabril asturiana coincide cola inactividá del fornu altu "B" de la factoría d'ArcelorMittal en Veriña (Xixón), un problema que la compañía siderúrxica vien padeciendo dende'l branu pasáu y que pel momento nun llogró remediar depués de dellos intentos de reactivación por aciu de la téunica de la oxilanza. A la indisponibilidá d'esta infraestructura, esencial na producción d'aceru, axuntáronse delles averíes nos últimos díes nes cintes tresportadores de carbón.
La cayida tamién se produció cuando empezó a notase n'Asturies la cancelación de proyeutos d'eólica marina n'Estaos Xuníos pola política proteccionista de Donald Trump. Empreses como Windar Renovables quedaron ensin l'actividá yá programada, lo que se tradució en regulaciones d'empléu y efectos en tola cadena de valor, tal como rescampló apocayá la Sociedá Asturiana d'Estudios Económicos ya Industriales (Sadei).
La mengua industrial d'Asturies en payares contrasta cola medría esperimentada a nivel nacional, del 1,8%. Con too y con ello, nel acumuláu ente xineru y payares de 2025, l'IPI asturianu avanzó un 3,5%, mentanto nel conxuntu del país féxolo un 1,1%.
"Cola ayuda del Gobiernu del Principáu d'Asturies"
- El nuevo negocio en el que entra Alimerka y que tendrá su primer establecimiento en Gijón
- Luz verde para que Costco se instale en Siero: 170 empleos en tres años y una decisión que causa división en el Gobierno de Barbón
- En liquidación uno de los principales fabricantes de ventanas de Asturias con un pasivo de más de 1,5 millones
- 6,50 euros: el dinero que ofrece Adif a una joven ganadera asturiana por dejar su explotación y que no da 'ni para un saco de pienso
- ¡Final feliz en Cudillero! Encuentran vivo en el bosque al octogenario desaparecido tras día y medio de búsqueda
- La llamada de auxilio a su hijo del octogenario desaparecido en Cudillero: 'Ven a traeme un palu, a ver si soy a levantame
- Atención conductores asturianos: un nuevo radar móvil entra en funcionamiento en la 'Y
- La nieve da un tregua en Asturias: el Huerna recupera la normalidad tras el cierre por un accidente de camión y en Pajares ya se circula sin restricciones
