Ayudes al alquiler n'Asturies: si tienes menos de 36 años y pagues 600 euros de renta, el Principáu tien una nueva llinia de subvenciones pa ti
El Bonu Alquiler Xoven, con un plazu de solicitú abiertu hasta febreru de 2026, va poder recibise a lo llargo d'un máximu de 24 meses
LNE
El Principáu va destinar 6,6 millones d'euros pa financiar el Bonu Alquiler Xoven, una ayuda pa que los menores de 36 años puedan pagar l'arriendu d'una vivienda o una habitación. La convocatoria, publicada hai dos díes nel Boletín Oficial del Principáu d'Asturies (BOPA), contempla una cuantía de 250 euros al mes que van poder percibise a lo llargo d'un máximu de 24 meses contando con que nun se supere l'importe del alquiler.
La subvención ta dirixida a persones mayores d'edá que nun cumplieren 36 años nel momentu de solicitala. Ente los requisitos figura que l'arriendu mensual tien de ser, too lo más, de 600 euros si se trata d'una vivienda completa, o de 300 euros si ye una habitación. Nel casu de viviendes con cochera, trasteru o otros anexos incluyíos nel preciu, estos importes nun se tienen en cuenta como parte del alquiler subvencionable. El plazu de solicitú va tar abiertu hasta'l 19 de febreru de 2026. Les ayudes van concedese por orde de llegada de les solicitúes, hasta qu'escose'l presupuestu. La subvención namás va poder abonase previa xustificación del pagu de la renta. La convocatoria permite financiar les rentes con efectos dende'l 1 de xineru de 2024 y hasta el 31 d'avientu de 2025. Tola información y el formulariu de solicitú tán disponibles na sede electrónica del Principáu d'Asturies, dende onde tamién puede tramitase la petición per internet.
"Cola ayuda del Gobiernu del Principáu d'Asturies"
- El nuevo negocio en el que entra Alimerka y que tendrá su primer establecimiento en Gijón
- En liquidación uno de los principales fabricantes de ventanas de Asturias con un pasivo de más de 1,5 millones
- 6,50 euros: el dinero que ofrece Adif a una joven ganadera asturiana por dejar su explotación y que no da 'ni para un saco de pienso
- ¡Final feliz en Cudillero! Encuentran vivo en el bosque al octogenario desaparecido tras día y medio de búsqueda
- La llamada de auxilio a su hijo del octogenario desaparecido en Cudillero: 'Ven a traeme un palu, a ver si soy a levantame
- Atención conductores asturianos: un nuevo radar móvil entra en funcionamiento en la 'Y
- La nieve da un tregua en Asturias: el Huerna recupera la normalidad tras el cierre por un accidente de camión y en Pajares ya se circula sin restricciones
- Atención conductores asturianos, el cambio de velocidad en autovía a 100 kilómetros por hora por el nuevo radar de la DGT: dónde está y cómo funciona
