Serrat, Dalí, García Márquez, Orson Welles... los protagonistes del Archivu Colita que van quedar pa siempre nel Niemeyer
Semeyes d'artistes que se vieron estos meses na esposición "Colita. Arte y Parte" tarán nos fondos del centru cultural d'Avilés
Francesc Polop entrega a Carlos Cuadros la donación. / C.N.
L'Archivu Colita Fotografia y el so direutor y herederu, Francesc Polop, formalizaron la donación de quince obres orixinales de la fotógrafa a la Fundación Niemeyer procedentes de la esposición "Colita. Arte y Parte", que pudo visitase dende'l xunu pasáu a esti xineru na Sala de Fotografía del Centru Niemeyer. Esta donación supon un importante arriquecimientu del patrimoniu artísticu de la Fundación Niemeyer y refuerza'l so compromisu col caltenimientu y espardimientu de la fotografía contemporánea, lo mesmo que cola figura de Colita, una de les fotógrafes fundamentales de la cultura visual española del sieglu XX.
Les quince obres representen de manera significativa l'universu creativu de la fotógrafa, la so mirada irónica y comprometía, y el so venceyu estrechu col mundu cultural, artísticu y social del so tiempu. Ente les imaxes inclúyense semeyes de personalidaes emblemátiques como'l cantante Joan Manuel Serrat y el cineasta Orson Welles, amás de trés imaxes pertenecientes a la serie dedicada a la bailladora Carmen Amaya. La donación complétase con trés semeyes realizaes en 1969 a Gabriel García Márquez, que Colita entamó nuna sesión fotográfica nel so estudiu. A ellos axúntase la semeya de Terenci Moix y otra de Rafael Alberti con Antonio Gades, realizada nel so esiliu en Roma.
Tamién hai una imaxe del funeral del Franco en Madrid en 1975, que Colita retrató cola so cámara y la semeya de Salvador Dalí col rei Juan Carlos I al fondu y Joan Pons col so capirote sentáu na escalera de la so casa, xustu homenaxe a un artista que yá tuvo la esposición "La esencia de lo máxico" na Cúpula del Centru Niemeyer nel añu 2022.
Complicidaes y trueques detrás la cámara
Colita (24 d'agostu de 1940-31 d'avientu de 2023) fotografió sistemáticamente tolo qu'asocedía al so alredor —compartiendo momentos únicos, sucesos, performances artístiques, presentaciones, esposiciones, rodaxes de películes, conciertos—, definida primero de too como fotoperiodista y “curiosa impenitente”.
La fotógrafa averóse tanto a quien fotografiaba qu'estableció amistaes, sinerxes, complicidaes, trueques y, sobre manera, munches, munches rises. Nel so trabayu, quedó siempre representáu l'humor, l'amistá y la intelixencia, ente munches otres cualidaes, dexándonos imaxes dotaes d'un fondu humanismu.
La obra de Colita figura na coleición del Muséu Nacional d'Arte de Cataluña y el Reina Sofía. En 1998 el Conceyu de Barcelona impúnxo-y la Medaya al Méritu Artísticu xunto a los fotógrafos Oriol Maspons y Leopoldo Pomés. En 2014 concedióse-y el Premiu Nacional de Fotografía, que refugó pola situación de la cultura y l'educación n'España.
"Cola ayuda del Gobiernu del Principáu d'Asturies"
- Gran despliegue en el HUCA para trasladar a otras comunidades los órganos donados por un adolescente asturiano
- Multado con 200 euros tras colocar la baliza v-16 en una avería en autovía pero no tener la espuma en el maletero: la Guardia Civil vigila a los conductores asturianos
- Atención conductores asturianos, pone 10.000 multas en 3 días: la DGT estrena nuevo radar
- El duro escrito de más de cien católicos asturianos contra el Arzobispo por sus críticas a la regularización de inmigrantes: 'Nos sentimos avergonzados
- El kiwi asturiano, la excepción que confirma la regla con Mercosur: ¿por qué este producto sí puede verse beneficiado con el mercado sudamericano?
- El jefe de Rayos de un hospital asturiano admite 'notables retrasos' en la realización de mamografías (y desvela la causa)
- El efecto del accidente de Adamuz en el AVE asturiano: más billetes disponibles, más baratos y 'miedo' en algunos viajeros (aunque el tren 'sigue siendo muy seguro')
- El barrio más caro y más barato para vivir en las ciudades de Asturias: la diferencia es de 2.740 euros el metro cuadrado
