El yacimientu arqueolóxicu de Lucus Asturum va tener una nueva campaña d'escavación esti branu, confirma la conseyera de Cultura
Vanessa Gutiérrez destaca que se ta trabayando nel espediente pa la declaración BIC y "esperamos tenelu cuanto primero"
El pozo de los tesoros de Lucus Asturum: "Los hallazgos de Llanera tienen una entidad que ni siquiera habíamos soñado" / P. T.
Lucía Rodríguez / Sixto Cortina (Traducción)
El yacimientu arqueolóxicu de Lucus Asturum, en Llanera, va tener una nueva escavación esti añu, confirmó la conseyera de Cultura, Vanessa Gutiérrez. Será, otra vuelta, pel branu y, amás, la previsión ye siguir investigando na zona de siguío depués de delles campañes nes que los resultaos fueron perpositivos, con grandes afayos, sobre manera de dómina romana, que contribuyeron a reconstruyir esi periodu históricu n'Asturies.
"Cuéntase con qu'haya una continuidá de les campañes d'escavación que s'entamen cada branu nuna collaboración estable col Conceyu de Llanera pa que nun apare esi gran yacimientu", dixo Vanessa Gutiérrez, qu'esti día visitó les instalaciones de Llamorgal por cuenta de les obres que se desenvuelven na zona de les piscines d'esti gran equipamientu.
La conseyera, acompañada pola alcaldesa Eva María Pérez, pronuncióse tamién sobre'l procesu que se sigue pa la declaración de Lucus Asturum como Bien d'Interés Cultural con categoría de Zona Arqueolóxica. Señaló que "tamos trabayando sobre esi procedimientu y esperamos tenelu cuanto primero" y destacó que se trata de "ún de los principales yacimientos que tenemos nesti momentu n'Asturies y que cada campaña va dándonos pergrandes noticies".
Les escavaciones de los últimos años tuvieron al cargu de l'arqueóloga Esperanza Martín.
"Cola ayuda del Gobiernu del Principáu d'Asturies"
- El nuevo negocio en el que entra Alimerka y que tendrá su primer establecimiento en Gijón
- En liquidación uno de los principales fabricantes de ventanas de Asturias con un pasivo de más de 1,5 millones
- 6,50 euros: el dinero que ofrece Adif a una joven ganadera asturiana por dejar su explotación y que no da 'ni para un saco de pienso
- Luz verde para que Costco se instale en Siero: 170 empleos en tres años y una decisión que causa división en el Gobierno de Barbón
- ¡Final feliz en Cudillero! Encuentran vivo en el bosque al octogenario desaparecido tras día y medio de búsqueda
- La llamada de auxilio a su hijo del octogenario desaparecido en Cudillero: 'Ven a traeme un palu, a ver si soy a levantame
- Atención conductores asturianos: un nuevo radar móvil entra en funcionamiento en la 'Y
- La nieve da un tregua en Asturias: el Huerna recupera la normalidad tras el cierre por un accidente de camión y en Pajares ya se circula sin restricciones
