Los ilustradores asturianos faen del so trabayu una folixa col programa cultural de FLIPA 2026
Un ciclu anual de talleres, xornaes, charles, una esposición y una gran fiesta, reivindiquen el llabor y la creatividá de los profesionales
Dellos de los asistentes a la presentación del programa de FLIPA 2026, esti día, nel Muséu Arqueolóxicu; na primer fila, pela izquierda, Isabel Muñoz, Antón García, Eva Rami, Julia Castaño y Celia Pandiella.
L'Asociación de Profesionales de la Ilustración d'Asturies (Apiast) presentó va unos díes, na sede del Muséu Arqueolóxicu d'Asturies, n'Uviéu, el programa cultural de FLIPA 2026, la primer Folixa de la Ilustración Asturiana, qu'inclúi charles y talleres, xornaes sobre bienestar profesional, una esposición itinerante, alcuentros profesionales y una gran folixa que va cerrar les actividaes, que se van desenvolver a lo llargo de tol añu.
"Nun momentu nel que la intelixencia artificial xenerativa ta atacando y precarizando entá más a los oficios creativos y a la cultura, fae falta da-y valor a los procesos artísticos y dar visibilidá a los profesionales que creen la cultura", sostienen dende Apiast, con una direutiva que ta presidida por Eva Rami y de la que formen parte, amás, Isabel Muñoz (vicepresidenta ), Enrique Fernández, Guillermo Redondo, Rubén Megido y Julia Castaño. La ilustradora Celia Pandiella ye l'autora del cartel de FLIPA 2026.
Apiast, constituyida en 2024, cuenta con 80 asociaos y funciona col trabayu voluntariu de los sos integrantes, en mires de velar polos sos derechos, visibilizar el sector, asesorar a los sos socios en temes fiscales y llaborales y crear una rede de profesionales. Ta integrada en FADIP, la Federación d'Asociaciones d'Ilustración Profesional n'España, y EIF, el Foru Européu d'Ilustración.
El direutor xeneral d'Acción Cultural, Antón García, qu'asistió a la presentación de la programación, destacó la importancia del "asociacionismu profesional" nel ámbitu cultural y de l'alministración. "FLIPA ye daqué perimportante que permite visibilizar el trabayu de los ilustradores, homes y muyeres, d'Asturies", manifestó, y brindó tol sofitu de la Conseyería de Cultura a la iniciativa.
"Cola ayuda del Gobiernu del Principáu d'Asturies"
- El nuevo negocio en el que entra Alimerka y que tendrá su primer establecimiento en Gijón
- En liquidación uno de los principales fabricantes de ventanas de Asturias con un pasivo de más de 1,5 millones
- La nieve da un tregua en Asturias: el Huerna recupera la normalidad tras el cierre por un accidente de camión y en Pajares ya se circula sin restricciones
- Atención conductores asturianos, el cambio de velocidad en autovía a 100 kilómetros por hora por el nuevo radar de la DGT: dónde está y cómo funciona
- Vuelve y reabre en Asturias el querido restaurante de una famosa cadena especializada en brunch, hamburguesas y platos internacionales: 'Si ya eras fan de su carta, prepárate
- Barbón alerta de un plan empresarial para lanzar un partido de derechas en Asturias, que relaciona con las insinuaciones del alcalde de Siero, Ángel García 'Cepi
- Nuevo frente del Principado y los transportistas para mejorar la autopista Y: el ansiado (y parado) proyecto de un enlace para el que exigen 'agilidad' a Puente
- La AEMET activa en Asturias la alerta por 'riesgo importante' de nevadas y oleaje tras la entrada de la borrasca 'Oriana
