Asturies algama'l récor d'empreses qu'esporten davezu: esta ye la cifra
Les xornaes "Open Days" d'Asturex conmemoren los 20 años de trayeutoria del organismu
L'empresariu Álvaro Neil presenta la inaguración del "Open Days" d'Asturex, nel Palaciu de Congresos d'Uviéu. / Fernando Rodríguez
El númberu d'empreses asturianes qu'esporten d'un xeitu regular (esto ye, cuandu menos a lo llargo de cuatro años de siguío) algamó la cifra récor de 677, a tenor de los últimos datos oficiales de la Sociedá de Promoción Esterior del Principáu (Asturex), dependiente del Gobiernu asturianu. Anunciólo esti día'l direutor xeneral del organismu, Bruno López, na inauguración del "Open Days", l'actu que realiza cada añu Asturex pa poner en contactu a compañíes asturianes con potenciales socios comerciales.
Esta edición de "Open Days" foi especial por que conmemora'l ventenu aniversariu d'Asturex. Por esi motivu, l'actu de presentación d'esti día centróse na evolución del sector esterior asturianu a lo llargo d'estes dos décades últimes. Y foi nesti contestu nel que López destacó la cifra de los 677 esportadores regulares, que son más del doble que los 320 qu'había en 2006, cuandu nació l'organismu.
Otru datu comparáu que remanó López pa reflexar la evolución del sector foi'l destín de les ventes. Asina, va venti años el 82% de la esportación d'Asturies empobinaba pa la eurozona, mentanto qu'anguaño ye del 70%. Una cuota que, anque fae rescamplar l'alta dependencia qu'entá esiste del mercáu européu, indica que "les empreses asturianes trabayaron muncho pa diversificar los mercaos", apuntó López. A la diversificación contribuyeron les más de 800 misiones comerciales lideraes por Asturex dende 2006.
De cara al futuru, el conseyeru de Ciencia ya Industria y presidente d'Asturex, Borja Sánchez, aseguró que "d'equí a venti años va haber sectores pa los qu'habrá que tar bien sollertes, como la enerxía o la defensa, a los que-yos faen falta sectores auxiliares que n'Asturies sabemos facer perbién".
Pela so parte, la presidenta de FADE y vicepresidenta d'Asturex, María Calvo, afirmó que "ún de los grandes retos de los próximos años ye restolar pelos nuevos mercaos como Asia".
L'actu tuvo una mesa na que participaron dos de los ex direutores xenerales d'Asturex, Alberto Robles (2006-2011) y Teresa Vigón (2017-2022). Nel alcuentru hubo una alcordanza y un aplausu pal exconseyeru d'Industria Graciano Torre, fináu'l 17 de xineru pasáu, que foi'l primer direutor del organismu.
"Cola ayuda del Gobiernu del Principáu d'Asturies"
- El ganadero asesinado en Ribadesella dejó todos sus bienes a su pareja, la mujer en la que se centró la investigación de la Guardia Civil
- Tres de cada cuatro médicos asturianos ganan más que el presidente (y los hay, en zonas periféricas, que alcanzan los 150.000 euros anuales)
- La carretera más peligrosa de España está en Asturias: el número de accidentes es 167 veces superior al de la media nacional
- Localizan en la costa francesa el cuerpo del pescador desaparecido en Coaña hace más de dos meses
- Alerta para conductores asturianos: una conocida marca pide dejar de usar sus coches por 'riesgos graves para la seguridad
- Se buscan 100.000 metros cuadrados en Asturias para el gran almacén de datos de IA: 'Tenemos prisa; si no, consideraremos Galicia o Cantabria
- El centro comercial Parque Astur cambia de manos: este es el grupo que se convierte en el principal propietario
- Una inversión de 1.000 millones y 700 empleos: así es el proyecto para crear un gran almacén de datos de IA en Asturias
