Asturies ye la comunidá con más resquiebra salarial ente homes y muyeres
La remuneración anual nel Principáu rexistra una diferencia de 6.527 euros por sexos, según un informe d'UXT
L'estudiu diz que ye por mor del pesu de la industria, un sector masculinizáu
Una camarera n'Uviéu. / Irma Collín
Asturies ye la comunidá autónoma con mayor estremadura salarial ente homes y muyeres, según un informe d'UXT Madrid ellaboráu a partir de los últimos datos publicaos pola Axencia Tributaria, correspondientes a 2024.
Nesi exerciciu, los homes asturianos cobraron de media 28.640 euros brutos al añu, y les muyeres, 22.113 euros. Esto ye, una distancia de 6.527 euros. En términos porcentuales significa que la resquiebra de los salarios ente sexos n'Asturies foi del 22,79%, superando por poco a Madrid (22,7%), qu'enantes encabezaba la clasificación. En cualquier casu, la resquiebra de dambes comunidaes supera en cerca de cuatro puntos porcentuales la media nacional (18,81%).
L'informe d'UXT atribúi'l lideralgu d'Asturies nesti ránking a la so estructura económica. "El pesu productivu de la siderurxa, la minería y la industria pesao concentra sectores mui masculinizaos qu'alcen bultablemente la media salarial de los homes (non de les muyeres), provocando una importante resquiebra de xéneru", esplica l'estudiu.
Na presentación del informe, la secretaria xeneral d'UXT Madrid, Susana Huertas, acompañada pola secretaria d'Igualdá del sindicatu, Esther Chaves, avisó de que los datos son "terribles" pa les muyeres y suponen una "francedura de la igualdá".
No que fai a la Comunidá de Madrid, l'informe indica que presenta los salarios más altos d'España en comparanza col restu de comunidaes (ensin incluyir País Vascu y Navarra, fuera del réxime fiscal común) por concentrar sedes centrales de grandes empreses nacionales ya internacionales, lo mesmo que ministerios, instituciones y organismos públicos.
Magar esa condición, UXT Madrid alvierte de qu'ello nun se traduz nuna distribución salarial "más equilibrada". Los datos, defende'l sindicatu, faen rescamplar que les oportunidaes llaborales "nun lleguen lo mesmo a homes qu'a muyeres, afitando asina les desigualdaes estructurales de xéneru".
"Cola ayuda del Gobiernu del Principáu d'Asturies"
- El ganadero asesinado en Ribadesella dejó todos sus bienes a su pareja, la mujer en la que se centró la investigación de la Guardia Civil
- Gran sorpresa en la sanidad asturiana: la cúpula directiva del HUCA y de la zona central no seguirá tras la fusión de áreas
- Alerta para conductores asturianos: una conocida marca pide dejar de usar sus coches por 'riesgos graves para la seguridad
- Se buscan 100.000 metros cuadrados en Asturias para el gran almacén de datos de IA: 'Tenemos prisa; si no, consideraremos Galicia o Cantabria
- El centro comercial Parque Astur cambia de manos: este es el grupo que se convierte en el principal propietario
- Más dimisiones en el HUCA complican la configuración de equipos directivos para lanzar el nuevo mapa sanitario
- Una inversión de 1.000 millones y 700 empleos: así es el proyecto para crear un gran almacén de datos de IA en Asturias
- Asturias vuelve al centro del debate minero: España revisará sus reservas de minerales estratégicos y el Principado parte con ventaja
