"Lota, les muyeres del carbón", un homenaxe que xune a la minería de Chile y España
L'espectáculu de danza puede vese esti domingu 15 de febreru, nel auditoriu Teodoro Cuesta de Mieres
Un momentu del espectácuu. / Pedro Fernández Embrujo
Lota ye un enclave mineru de sur de Chile, y les sos mines de carbón cerraron en 1997. Esti llugar da títulu al espectáculu de danza "Lota, les muyeres del carbón", qu'esti domingu 15 de febreru va poder vese, dende les 19.00 hores, nel auditoriu Teodoro Cuesta de Mieres, con entrada llibre.
El direutor y coreógrafu (amás de baillarín) ye'l chilenu Pedro Fernández, qu'impulsa una obra que la entama con "el momentu históricu del zarru de la mina de carbón de Lota, dende una mirada fondamente humana, asitiando a les muyeres como exa central".
El montaxe tien el so orixe nuna residencia artística del so direutor fai una década nos Teatros del Canal de Madrid, y tien un elencu d'artistes chilenos y españoles. La obra estructúrase en cuatro partes: la fraternidá, la lleenda, la gran fuelga y el zarru, cola "francedura social depués del fin de l'actividá minera".
Pedro Fernández centró la historia nes muyeres en conociendo a una vecina de Lota en Madrid, "cuntóme cómo fuera la so infancia nesi pueblu mineru, tan precariu como xuníu". El legáu del carbón xune a esta zona de Chile coles Cuenques mineres asturianes, con Mieres.
El direutor del espectáculu recibió numberosos premios, y una de les sos últimes obres, "Zarzuela & Flamencu", foi protagonista nes fiestes de San Isidro de Madrid. N'escena va haber ocho baillarinos, con música del guitarrista Pablo Torija y el percusionista Jorge Fernández, y la voz d'Ana Isabel Sevilla.
La obra tien el patrociniu de la Conseyería de Cultura del Principáu d'Asturies, la Fundación Chile-España y el sofitu de la Embaxada de Chile n'España.
"Cola ayuda del Gobiernu del Principáu d'Asturies"
- El ganadero asesinado en Ribadesella dejó todos sus bienes a su pareja, la mujer en la que se centró la investigación de la Guardia Civil
- Alerta para conductores asturianos: una conocida marca pide dejar de usar sus coches por 'riesgos graves para la seguridad
- Se buscan 100.000 metros cuadrados en Asturias para el gran almacén de datos de IA: 'Tenemos prisa; si no, consideraremos Galicia o Cantabria
- El centro comercial Parque Astur cambia de manos: este es el grupo que se convierte en el principal propietario
- Más dimisiones en el HUCA complican la configuración de equipos directivos para lanzar el nuevo mapa sanitario
- Una inversión de 1.000 millones y 700 empleos: así es el proyecto para crear un gran almacén de datos de IA en Asturias
- Asturias vuelve al centro del debate minero: España revisará sus reservas de minerales estratégicos y el Principado parte con ventaja
- El jefe de Estupefacientes de Valladolid hizo que quemaba 50 kilos de cocaína en Cogersa para luego repartirlos entre los miembros de su banda
