Otru récor pal aeropuertu d'Asturies mientres s'espera por nuevos destinos
Santiagu'l Monte rexistra'l meyor xineru de la historia de la infraestructura
Un avión nel aeropuertu d'Asturies / RICARDO SOLIS
L'Aeropuertu d'Asturies rexistró'l xineru pasáu cerca de 139.000 pasaxeros, con un total de 138.916 viaxeros. Esta cifra representa un incrementu del 4,6% al respeutive del mesmu mes de 2025, y convierte el mes pasáu nel meyor xineru na historia del aeropuertu, según informó Aena esti día.
Del total de pasaxeros rexistraos nel Aeropuertu d'Asturies en xineru, un total de 138.363 utilizaron vuelos comerciales y d'ellos, 110.444 fexéronlo con orixe o destín nacional, mentanto que 27.919 correspondieron a tráficu internacional. Los vuelos operaos en xineru fueron 1.107 ente aterrizaxes y despegues, cifra que representa un incrementu del 2,8% al respeutive del mesmu mes de 2025. D'eses operaciones, 1.075 tuvieron calter comercial, un 4% más que nel añu anterior.
L'aeropuertu de Santiagu'l Monte vive'l meyor momentu de la so historia, si se tienen en cuenta'l númberu de pasaxeros y les conexones. L'añu pasáu superó los dos millones de viaxeros, lo que supon un récor históricu.
Pendiente de nuevos destinos
Mientres tanto, l'aeropuertu espera nuevos destinos. El Principáu yá treslladó una propuesta d'axudicación nel so nuevu concursu de promoción turística, que taba destináu a caltener les rutes actuales y a incorporar dalguna más: Porto, Dublín y Venecia, Bolonia o Florencia. Les trés úlltimes ciudaes citaes van nun llote conxuntu; namás puede salir una y Bolonia o Florencia seríen les novedaes, visto que nun tán na parrilla actual.
Asturies, amás, va tener esti añu la mayor ufierta de places aérees de la so historia: más de 1,6 millones d'asientos que yá tán a la venta pa la temporada de branu, que va d'abril a ochobre. Y búsquense nueves rutes. Nesi sen, los nuevos destinos más probables taríen en Reinu Uníu, Alemania y Suiza. Manchester, Edimburgo, Berlín, Hamburgo, Xinebra y Zúrich son les ciudaes que tán n'estudiu nesos países.
"Cola ayuda del Gobiernu del Principáu d'Asturies"
- El ganadero asesinado en Ribadesella dejó todos sus bienes a su pareja, la mujer en la que se centró la investigación de la Guardia Civil
- Tres de cada cuatro médicos asturianos ganan más que el presidente (y los hay, en zonas periféricas, que alcanzan los 150.000 euros anuales)
- La carretera más peligrosa de España está en Asturias: el número de accidentes es 167 veces superior al de la media nacional
- Localizan en la costa francesa el cuerpo del pescador desaparecido en Coaña hace más de dos meses
- Alerta para conductores asturianos: una conocida marca pide dejar de usar sus coches por 'riesgos graves para la seguridad
- Se buscan 100.000 metros cuadrados en Asturias para el gran almacén de datos de IA: 'Tenemos prisa; si no, consideraremos Galicia o Cantabria
- El centro comercial Parque Astur cambia de manos: este es el grupo que se convierte en el principal propietario
- Una inversión de 1.000 millones y 700 empleos: así es el proyecto para crear un gran almacén de datos de IA en Asturias
