Los docentes d'asturianu y eonaviegu acusen al ministeriu d'Educación de despreciar la situación de 300 profesores asturianos
Diccionariu de la Llingua Asturiana. / EP
S. C.
L'Asociación de Docentes d'Asturianu y Eonaviegu (ADAE) alvirtió va unos díes de la "respuesta evasiva" del ministeriu d'Educación a una entruga parlamentaria sobre la situación llaboral de más de 300 docentes d'estes llingües que, según sostienen, siguen n'inestabilidá estructural y desigualdá llaboral".
Según esplica'l colectivu, el Gobiernu central unvió al Parlamentu una contestación na que namás fai alcordanza de que les comunidaes autónomes tienen potestá pa incluyir determinaos niveles d'enseñanza nel so ámbitu competencial, en virtú de la Llei Orgánica 3/2020. P'ADAE, esta respuesta "refuga" el fondu de la cuestión y "desprecia la situación" del profesoráu afectáu.
"L'alministración debilita la tresparencia institucional cuando evita responder a una cuestión concreta", apunten dende l'asociación, que considera qu'esta actitú axúntase a "una llarga cadena de respuestes evasives" y reflexa "la falta de voluntá política" pa entamala con un problema "que s'arrastra dende va décades".
ADAE recuerda que la próxima selmana va discutise na Xunta Xeneral del Principáu una Proposición Non de Llei pa encamentar al Gobiernu asturianu a solicitar formalmente al Ministeriu'l cambiu de los Reales Decretos qu'afecten a esti colectivu. Nesi contestu, reclama al Executivu autonómicu que "asuma la so responsabilidá política" y "esixa una solución darréu".
L'asociación considera que, anque la competencia normativa ye estatal, "la defensa del profesoráu asturianu ye una responsabilidá política irrenunciable del Gobiernu d'Asturies". Por ello, esixe una xunta urxente nel ministeriu d'Educación y que s'afite una fecha concreta. En casu contrariu, avisa, "van endurecese les acciones" y podríen entamase movilizaciones.
"Cola ayuda del Gobiernu del Principáu d'Asturies"
- El ganadero asesinado en Ribadesella dejó todos sus bienes a su pareja, la mujer en la que se centró la investigación de la Guardia Civil
- Tres de cada cuatro médicos asturianos ganan más que el presidente (y los hay, en zonas periféricas, que alcanzan los 150.000 euros anuales)
- Localizan en la costa francesa el cuerpo del pescador desaparecido en Coaña hace más de dos meses
- Alerta para conductores asturianos: una conocida marca pide dejar de usar sus coches por 'riesgos graves para la seguridad
- Se buscan 100.000 metros cuadrados en Asturias para el gran almacén de datos de IA: 'Tenemos prisa; si no, consideraremos Galicia o Cantabria
- El centro comercial Parque Astur cambia de manos: este es el grupo que se convierte en el principal propietario
- Una inversión de 1.000 millones y 700 empleos: así es el proyecto para crear un gran almacén de datos de IA en Asturias
- El nuevo radar instalado hoy que pilla por sorpresa a los conductores en la A-66 en Asturias: multas de 200 euros
