El Principáu refuerza l'autoprotección de 60 localidaes d'Asturies ante los incendios forestales
Potenciar la información, sensibilizar y capacitar a les comunidaes y ellaborar diagnósticos y midíes, exes de la estratexa
El plan ufierta a la población rural conocimientos práuticos, capacidá de respuesta y procedimientos amañosos pal so entornu real
Ún de los incendios que sufrió Somiedu'l mes d'agostu pasáu. / Miki López
Frente a los incendios forestales, autoprotección. La Conseyería de Movilidá, Mediu Ambiente y Xestión d'Emerxencies entamó'l Plan d'Impulsu al Mediu Ambiente (PIMA) Eventos Adversos, una iniciativa coordinada dende'l Ministeriu pa la Transición Ecolóxica y el Retu Demográficu pa reforzar la prevención frente a les quemes forestales y meyorar la capacidá d'autoprotección de les poblaciones rurales.
Esti programa, que va tar en vigor nel bieniu 2026-2027, busca apurrir a los habitantes d'estes zones conocimientos práuticos, capacidá de respuesta y procedimientos amañosos pal so entornu real.
El programa enxaretase sobre trés exes: la meyora de la información sobre prevención, autoprotección ya interpretación del riesgu; la sensibilización y capacitación de les comunidaes rurales, per aciu de talleres comarcales y xornaes práctiques, y ellaboración de diagnósticos y planes d'autoprotección nos pueblos; xunto cola dotación de medios afayadizos.
Periodu 2026-2027
Les actividaes formatives y les actuaciones téuniques van desarrollase a lo llargo d'esti añu y del qu'entra. Nesti marcu, van impartise diez talleres comarcales pa enseñar cómo se porta'l fueu, cómo protexer les viviendes y les poblaciones y cómo interpretar l'índiz de riesgu d'incendios forestales. Les sesiones van cuntar cola participación d'especialistes, axentes del territoriu y personal de Protección Civil. Los talleres van completase con xornaes práutiques nes que los vecinos van poder revisar accesos, caminos y puntos d'agua, identificar zones segures, reconocer riesgos nes viviendes y ver cómo ye l'usu básicu d'equipos d'autoprotección.
Al empar, dellos equipos téunicos van ellaborar 60 diagnósticos y planes básicos d'autoprotección, ún por cada población escoyida. Los documentos van incluyir cartografíes, analises d'accesos, hidrantes y vexetación, encamientos preventivos y protocolos d'actuación vecinal delantre d'emerxencies ellaboraos cola participación de los mesmos habitantes de la zona. Tola información va integrase nuna plataforma dixital.
"Cola ayuda del Gobiernu del Principáu d'Asturies"
Suscríbete para seguir leyendo
- Investigan la muerte de una anciana asfixiada con la cincha que la sujetaba a la cama en una residencia de Siero: un barandilla cedió y ella cayó fuera del lecho
- Atasco sin precedentes en dermatología del HUCA: nueve meses de demora media (frente a los 14 días en Mieres) por el rechazo a trabajar con el responsable médico
- Marina y Juan regresaron de Madrid a Asturias con sus hijas por efecto de la pandemia: 'Tienen naturaleza, hacen deporte al aire libre... No hay comparación
- Una conocida quesería, primera víctima asturiana de las amenazas de Trump al comercio: 'Nos están hundiendo, es desesperante
- Contratación 'histórica' y nuevas mejoras laborales en Alimerka: la cadena asturiana de supermercados incorporará a más de 500 profesionales
- Luz verde del Gobierno a una obra clave que evitará atascos en Asturias
- La desesperación de una ovetense atrapada en el aeropuerto de Doha con misiles sobrevolando: 'La respuesta de la embajada nos dejó peor de lo que estábamos
- La odisea del panadero que todos los días cruza un argayo a pie para que un pueblo asturiano tenga pan (y un vecino le ayuda al otro lado)
