L'escritor Gonzalo G. Barreñada recibe en Villaviciosa'l premiu lliterariu Xosé Caveda y Nava
El xuráu sorraya la gran calidá del relatu curtiu "L'otru país"
Barreñada, la conceyala de Cultura, Reyes Ugalde, y el responsable del Serviciu de Política Llinguistica de la Mancomunidá, Pablo Suárez. / A. V.
L'escritor asturianu Gonzalo G. Barreñada recibió'l miércoles pasáu en Villaviciosa'l Premiu de Relatos Curtios Xosé Caveda y Nava. El xuráu tuvo en cuenta na obra "L'otru país" la so capacidá pa construyir una historia íntima con resonancies simbóliques sobre la memoria, el territoriu y la identidá.
La ceremonia tuvo llugar nel salón d'actos del Atenéu Obreru, con asistencia de representantes municipales, miembros del xuráu, escritores y públicu arreyáu al ámbitu cultural del conceyu.
El premiu inclúi la tradicional Mazana de Plata —símbolu del conceyu— y l'espardimientu dixital del relatu ganador.
El Premiu Xosé Caveda y Nava afitóse como ún de los certames de narrativa curtia más estables dientro del panorama lliterariu asturianu. El so oxetivu ye fomentar la creación en llingua asturiana y rindir homenaxe a la figura de Xosé Caveda y Nava, intelectual del sieglu XIX consideráu clave na recopilación y dignificación de la lliteratura asturiana.
Barreñada tien una destacada trayeutoria lliteraria y foi reconocíu enantes con premios como'l Xosefa Xovellanos de Novela y el Teodoro Cuesta de Poesía, afitándose como una de les voces relevantes de la lliteratura asturiana contemporánea.
Impulsáu pol Conceyu maliayés, el certame forma parte de les iniciatives culturales empobinaes a reforzar l'usu social del asturianu y a ufiertar espacios de visibilidá pa nuevos autores.
La entrega del premiu enxarétase nes actividaes culturales amestaes a la Selmana de la Llingua Materna y refuerza'l papel de Villaviciosa como ún de los núcleos culturales activos de la Comarca de la Sidra.
Con esta novena edición, el galardón afita la so doble dimensión: reconocencia lliteraria y actu d'afirmación cultural, nel que la tradición y la creación contemporánea s'alcuentren pa proxectar el futuru de la lliteratura asturiana.
"Cola ayuda del Gobiernu del Principáu d'Asturies"
- Gran sorpresa en la sanidad asturiana: la cúpula directiva del HUCA y de la zona central no seguirá tras la fusión de áreas
- Alerta para conductores asturianos: una conocida marca pide dejar de usar sus coches por 'riesgos graves para la seguridad
- Se buscan 100.000 metros cuadrados en Asturias para el gran almacén de datos de IA: 'Tenemos prisa; si no, consideraremos Galicia o Cantabria
- Más dimisiones en el HUCA complican la configuración de equipos directivos para lanzar el nuevo mapa sanitario
- El centro comercial Parque Astur cambia de manos: este es el grupo que se convierte en el principal propietario
- Una inversión de 1.000 millones y 700 empleos: así es el proyecto para crear un gran almacén de datos de IA en Asturias
- Asturias vuelve al centro del debate minero: España revisará sus reservas de minerales estratégicos y el Principado parte con ventaja
- El jefe de Estupefacientes de Valladolid hizo que quemaba 50 kilos de cocaína en Cogersa para luego repartirlos entre los miembros de su banda
