L'asturiana GAM llogra un beneficiu récor de 6,5 millones al meyorar la eficiencia de les sos operaciones
La compañía lleva la facturación hasta 316,1 millones al tiempu qu'amenorga la inversión por aciu de la nueva planta de refabricación de maquinaria
Sede de GAM en Meres, en Siero
La compañía asturiana General Alquiler de Maquinaria (GAM) zarró l'exerciciu 2025 con resultaos récor. El beneficiu netu incrementóse un 50%, hasta 6,5 millones d'euros, y los ingresos xubieron un 4% y punxéronse en 316,1 millones d'euros.
Antonio Trelles, direutor financieru de GAM, señaló que "2025 foi un añu d'afitamientu del modelu". Rescampló que la compañía d'alquiler de maquinaria con sede en Siero incrementó'l marxe del beneficiu operativu brutu (ebitda) hasta'l 28% "al tiempu qu'invertimos con mayor disciplina (amenorgando'l capex un 6%) y menguamos l'endeudamientu un 8%", hasta los 276,9 millones d'euros. Esa combinación, amestó, "refuerza la solidez financiera del grupu y déxanos siguir creciendo de forma sostenible".
En 2025 GAM avanzó en rentabilidá, disciplina inversora, xeneración de caxa y desapalancamientu, porque la deuda financiera neta equival agora a 3,2 vegaes l'ebitda, frente a 3,5 vegaes al zarru de 2024, destacó la compañía.
La disciplina inversora foi una de les exes del exerciciu. Calteniendo'l crecimientu en ventes, GAM optimizó la inversión en maquinaria. Pa ello foi clave Reviver, la planta de "refabricación" que GAM entamó l'añu pasáu nel conceyu lleonés de Villamañán. Esa nueva factoría permitió reutilizar cerca de 430 máquines. Fontes de GAM destacaron qu'esi proyeutu "afítase como una palanca pa crecer con menor intensidá d'inversión, al optimizar l'usu de los activos y allargar la so vida útil, reforzando al empar la propuesta de valor del grupu en soluciones más eficientes y sostenibles". La inversión total de GAM menguó un 6%, hasta los 50,6 millones d'euros.
La diversificación de negocios tamién ayudó a dar estabilidá a la empresa. En 2025, GAM caltuvo un repartu equilibráu de los ingresos ente les sos trés principales árees: arriendu y servicios representó'l 37%, distribución y postventa'l 36%, y los servicios recurrentes de llargu plazu'l 27%. "Esti equilibriu amenorga la dependencia d'un únicu motor y permite amortiguar meyor los cambios de ciclu, reforzando la resiliencia del Grupu en entornos económicos adversos", destacaron fontes de la compañía asturiana.
Dientro d'esi mix, el negociu de servicios recurrentes de llargu plazu avanzó un 10%, hasta 86,8 millones d'euros, sofitáu nuna cartera contratada cercana a los 280 millones d'euros y nuna tasa de renovación perriba del 90%. Pela so parte, distribución y postventa algamó 112,6 millones y alquiler y servicios púnxose en 116,7 millones.
"Cola ayuda del Gobiernu del Principáu d'Asturies"
- El ganadero asesinado en Ribadesella dejó todos sus bienes a su pareja, la mujer en la que se centró la investigación de la Guardia Civil
- Tres de cada cuatro médicos asturianos ganan más que el presidente (y los hay, en zonas periféricas, que alcanzan los 150.000 euros anuales)
- La carretera más peligrosa de España está en Asturias: el número de accidentes es 167 veces superior al de la media nacional
- Localizan en la costa francesa el cuerpo del pescador desaparecido en Coaña hace más de dos meses
- Alerta para conductores asturianos: una conocida marca pide dejar de usar sus coches por 'riesgos graves para la seguridad
- Se buscan 100.000 metros cuadrados en Asturias para el gran almacén de datos de IA: 'Tenemos prisa; si no, consideraremos Galicia o Cantabria
- El centro comercial Parque Astur cambia de manos: este es el grupo que se convierte en el principal propietario
- Una inversión de 1.000 millones y 700 empleos: así es el proyecto para crear un gran almacén de datos de IA en Asturias
