Marina y Juan tornaron de Madrid a Asturies coles sos fíes por mor de la pandemia: "Tienen naturaleza, faen deporte al aire llibre... Nun hai comparanza"
Como pasó nel so casu, ente 2021 y 2023, 894 menores d'ente 0 y 14 años aportaron dende Madrid a Asturies, un movimientu que, pa munches families, vien motiváu pola flexibilidá del teletrabayu
Marina Urbón y Juan Gutiérrez al pie de les sos fíes. / LNE
Marina Urbón Llaca y Juan Gutiérrez tomaron la decisión definitiva en xunu de 2020. Cola posibilidá de teletrabayar yá afitada nes sos empreses y con Madrid entá marcada poles restricciones sanitaries, fixeron les maletes y tornaron a Uviéu. Les sos dos fíes, de 3 años (Carlota) y 9 meses (Marina) y nacíes na capital española, garraron rutines nueves. La mayor entamó'l nuevu cursu escolar yá n'Asturies. "Foi un cambiu grande, pero mui natural. Son pequeñes y afayáronse llueu", recuerda Marina Urbón Llaca.
La so historia encaxa con un enclín que reflexen los datos de la Sociedá Asturiana d'Estudios Económicos ya Industriales (SADEI): la Comunidá de Madrid ye la segunda procedencia de menores d'ente 0 y 14 años que lleguen a Asturies, namás per detrás de Colombia. Ente 2021 y 2023, 894 neños fixeron esi mesmu percorríu dende la capital española al Principáu. En munchos casos, como'l d'esta familia asturiana, el teletrabayu foi'l detonante.
"El confinamientu fixo que repensaremos munches coses. Si podíemos trabayar dende casa, ¿por qué nun lo facer dende la nuesa, n'Asturies?", esplica Urbón. Lo qu'empezó como una solución provisional terminó convirtiéndose nun proyeutu de vida estable. Na capital asturiana atoparon daqué que, aseguren, en Madrid resultaba difícil: tiempu.
"N'Uviéu puedes facer munches coses nun día; en Madrid faes poques a la selmana", resume. La diferencia, apunten, nun ye solo loxística, sinón tamién emocional. Menos desplazamientos, menos tráficu, más cercanía. "Equí ta too a mano: el colexu, el trabayu, les actividaes. Eso camuda por completu la rutina familiar", comenta la uvieína.
Poco dempués d'instalase definitivamente, ampliaron la familia. La so tercer fía, Alejandra, nació yá n'Asturies, afitando'l so regresu. Pa ellos, la pandemia actuó como catalizador d'una decisión que llevaben tiempu valorando.
"La calidá de vida de les neñes ye muncho meyor equí. Tienen naturaleza, faen deporte al aire llibre, pasen tiempu en parques y nel monte. Nun hai comparanza", fae Urbón. Les escursiones de fin de selmana sustituyeron a los llargos trayeutos urbanos y el ruiu constante dio pasu a espacios abiertos.
La so esperiencia ilustra un fenómenu más ampliu: la torna de families xóvenes a comunidaes d'orixe gracies a la flexibilidá llaboral. Nuna comunidá marcada pol avieyamientu demográficu, la llegada (o el regresu) de llares con neños supon un pequeñu impulsu pal texíu social y educativo.
Pa Marina Urbón y Juan Gutiérrez, la decisión yá nun tien vuelta atrás. Asturies volvió ser la so casa. Y agora, tamién, el llugar onde crecen les sos trés fíes.
"Cola ayuda del Gobiernu del Principáu d'Asturies"
- El autor de clásicos como 'Yo soy aquel Se nos rompió el amor' o 'Lo mejor de tu vida' para el que la música en español reclama el premio 'Princesa
- Mañana se esperan colas kilométricas en Lidl para conseguir el toldo de terraza que se instala sin obra más barato del mercado: su tela se adapta a cualquier espacio
- Mañana se esperan colas kilométricas en Lidl para hacerse con la batidora de frutas más potente del mercado: ideal para llevar a cualquier sitio
- Mañana se esperan colas kilométricas en Action para hacerse con la mesa auxiliar de jardín más barata del mercado: disponible por menos de 10 euros
- Mañana se esperan colas kilométricas en Action para conseguir el juego de cojines para terraza o balcón más baratos del mercado: cómodos y en varios colores por 2,99 euros
- Cambian los hábitos de consumo de los asturianos y los bares están felices con la gran moda de la sobremesa: 'Podemos hacer turnos seguidos y no partidos
- Oviedo se prepara para el Martes de Campo: este es el cartel y la programación para una de las fiestas más populares
- El Corte Inglés lanza los Ocho Días de Oro con descuentos de hasta el 30% en más de 600 marcas
