Cuideiru prepara la so primer amuesa folclórica sol nome del grupu local "Arduríu Pixuatu"
La cita ye esti sábadu 21 y van tar convidaos los grupos "Brisas de Aguilar", de Muros de Nalón; "La Folixa", de Carreño, y l'uvieín "La Hedra"
Una actuación del grupu Arduríu Pixuatu en Cuadonga. / R. T. C.
La capital de Cuideiru va acoyer esti sábadu 21 de marzu la primer Amuesa Folclórica "Arduríu Pixuatu", que va incluyir un desfile de los cuatro grupos participantes y actuaciones na plaza de San Pedro y la de La Ribera. Amás de la formación musical pixueta, van allegar como convidaos los grupos "Brisas de Aguilar", de Muros de Nalón; "La Folixa", de Carreño, y l'uvieín "La Hedra".
"Arduríu Pixuatu", el grupu nacíu en 2023 pa recuperar los bailles tradicionales del conceyu, cuerre al cargu d'esta cita xunto al Conceyu de Cuideiru. Collaboren nel eventu la Confradía de Pescadores, l'Asociación de Vecinos "San José", d'El Pitu, l'Asociación de Muyeres "Santana", de San Xuan de Piñera, y el colectivu cultural "Amigos de Cuideiru".
El programa va empezar a les 12.00 col desfile de los grupos dende la casa de cultura de Cuideiru hasta la plaza de San Pedro. Ellí van interpretase "bailles y dances del folclore asturianu y especialmente de los llugares que representen". De siguío, la comitiva va marchar pa la emblemática Plaza de La Ribera onde van ser recibíos poles autoridaes presentes nel eventu. "Volverán vese y escuchase los cantares d'asturianía, treslladándose darréu a les instalaciones de la Cofradía pixueta, nel puertu nuevu, onde van festexar la xornada con una espicha", faen los organizadores.
"Cola ayuda del Gobiernu del Principáu d'Asturies"
- El autor de clásicos como 'Yo soy aquel Se nos rompió el amor' o 'Lo mejor de tu vida' para el que la música en español reclama el premio 'Princesa
- Mañana se esperan colas kilométricas en Lidl para conseguir el toldo de terraza que se instala sin obra más barato del mercado: su tela se adapta a cualquier espacio
- Mañana se esperan colas kilométricas en Lidl para hacerse con la batidora de frutas más potente del mercado: ideal para llevar a cualquier sitio
- Mañana se esperan colas kilométricas en Action para hacerse con la mesa auxiliar de jardín más barata del mercado: disponible por menos de 10 euros
- Mañana se esperan colas kilométricas en Action para conseguir el juego de cojines para terraza o balcón más baratos del mercado: cómodos y en varios colores por 2,99 euros
- Cambian los hábitos de consumo de los asturianos y los bares están felices con la gran moda de la sobremesa: 'Podemos hacer turnos seguidos y no partidos
- Oviedo se prepara para el Martes de Campo: este es el cartel y la programación para una de las fiestas más populares
- El Corte Inglés lanza los Ocho Días de Oro con descuentos de hasta el 30% en más de 600 marcas
