Premiu nacional pa dos vinos de Cangas del Narcea: les ellaboraciones de la bodega La Verdea lleven un Gran Oru y un Oru en VinEspaña
“Supon un gran reconocimientu al trabayu y a les nueses ellaboraciones”, fae'l bodegueru Luciano Gómez
Luciano Gómez y María Crespo na última vendimia. / D. Álvarez
La Denominación d'Orixe Protexida Cangas y, sobre manera, la bodega La Verdea tán de norabona porque nuevamente unos vinos cangueses recibieron una alta reconocencia, nesti casu, a nivel nacional. El Concursu Nacional de Vinos VinEspaña volvió premiar la calidá de los vinos realizaos cola variedá d'uva autóctona albarín blanca.
En concretu, la bodega canguesa traxo del certame un Gran Oru col so vinu Verdea 620 Albarín Blanco, un monovarietal de 2024, y un Oru pal Verdea Albarín Blanco, tamién d'una sola variedá nesti casu xoven, de 2025.
“Tamos percontentos, ye ún de los concursos más prestixosos ya importantes a nivel nacional nel que se caten alredor de 2.000 vinos”, destaca'l bodegueru Luciano Gómez, que resampla qu'amás concursaron colos dos vinos premiaos namás y dambos llograron los más altos resultaos.
Ello ye que La Verdea 620 Albarín Blanco llevó la segunda de les trés medayes Gran Oru de la so categoría que reparte'l certame. Unos premios que reconocen el bon facer de les bodegues cangueses y failes ganar en visibilidá. “Al cabu compítese a nivel nacional y estos premios suponen una gran reconocencia al trabayu y a les nueses ellaboraciones”, fae'l bodegueru.
El concursu celebró la so VIII edición a principios de marzu en Medina del Campu (Valladolid) y les cates a ciegues desenvolviéronse a lo llargo de trés díes.
"Cola ayuda del Gobiernu del Principáu d'Asturies"
- Los padres de Mael, el niño gijonés de 3 años al que tuvieron que amputarle manos y piernas, crean una asociación para ayudar a los demás: 'Es nuestra forma de decir gracias al mundo
- Aarón Martínez, el adolescente castrillonense que hace arte con un boli Bic, estrena exposición en Avilés
- Atención conductores, la Guardia Civil vigila el número mínimo de ocupantes: multado con 200 euros por no respetar la nueva señal de tráfico azul con rombo blanco
- El gran mercado (con decenas de puestos) que vuelve al corazón de Oviedo este fin de semana tras el éxito de 2025
- Hallado muerto en un pedrero de la costa de Cudillero un hombre al que su familia buscaba desde hace dos días
- Denuncian la aparición de truchas muertas por un nuevo vertido (el segundo en seis meses) al río Nalón en San Martín del Rey Aurelio
- Avilés se prepara para una primavera de conciertos multitudinarios con los hoteles llenos: 'La misma semana que salieron a la venta las entradas, se reservó todo
- Nacen diez pastores del osu en un parto clave para salvar la única raza de perro asturiana: 'Son increíbles
