Abril de turismu en Grau, con visites empobinaes gratuites pa conocer los sos palacios indianos, el cascu históricu y los museos de la villa
El día 4 hai dos percorríos previstos y el 5 podrá vese la Colección Historia de la Fotografía de la mano del so propietariu, Corsino Fernández
Las siete maravillas indianas de Grado, en imágenes / P. T.
Abril con actividaes turístiques gratuites en Grau, con feches y horarios estremaos pa que naide qu'allampe por ello quede ensin disfrutar d'una visita empobinada a los estremaos atractivos qu'ufierta'l patrimoniu de la villa. Como cada mes, l'área municipal de Turismu programó los percorríos pel cascu históricu, l'arquitectura indiana o los museos, toos de baldre y duraciones d'ente 50 minutos y hora y media aprosimao, en función del itinerariu que s'escueya.
Les visites empobinaes al cascu históricu, qu'inclúin la Capiya de los Dolores y la sede Llagar de Sidra del Muséu Etnográficu y d'Historia de Grau, pueden facese hasta en seis feches distintes n'abril. En concretu los díes 4, 11, 15, 18, 22 y 25. En tolos casos la duración ye de 50 minutos, empiecen a les 12.00 hores y fai falta reserva previa al traviés de la Oficina de Turismu (636 90 90 88/ @turismo\@ayto-grau.es).
Los percorríos de mayor duración, d'hora y media, aquellos que nun visiten namás el cascu históricu sinón tamién l'arquitectura indiana, van ser n'abril los díes 4,11,18 y 25. La hora d'entamu, les 12.00. Tamién nesti casu fai falta la reserva previa. Los palacetes vense dende l'esterior, porque son propiedaes privaes.
Per otru llau, el día 8 d'abril va haber una visita empobinada a la sede Villa yá Mercáu del Muséu Etnográficu y d'Historia de Grau, con una duración d'una hora y empiezu a les 12.00. Fai falta reserva previa.
Como cada primer domingu de mes, el día 5 d'abril ta prevista la visita empobinada a la Colección Historia de la Fotografía de Corsino Fernández Fanjul. Dura una hora, empieza a les 12.00 y nesti casu nun hai qu'acutar: basta con presentase nel palaciu Fontela, na cai Eduardo Sierra, a la hora indicada y nel hall del edificiu recíbelu al visitante'l personal de la Oficina de Turismu.
La Cardosa
La visita a la sede de La Cardosa del Muséu Etnográficu y d'Historia de Grau, dedicada a la cultura tradicional y qu'acueye tamién la Colección de la Guerra Civil, puede realizase de manera llibre los miércoles, de 16.00 a 18.30 hores. Pa facer una visita empobinada puede consultase la disponibilidá na Oficina de Turismu.
A lo último, puede conocese la Colección Acordiones, de Felipe Rubial, el 19 d'abril a les 12.00 hores. Dura una hora, nun fai falta reserva previa y recíbese a los visitantes nel palaciu Fontela direutamente pa entamala.
"Cola ayuda del Gobiernu del Principáu d'Asturies"
- Mañana se esperan colas kilométricas en Lidl para conseguir la bicicleta eléctrica más barata del mercado para esta primavera: con tres niveles de asistencia al pedaleo
- Multado con 200 euros por viajar solo en el coche en ciudad y no respetar la nueva señal de Tráfico: el Gobierno fomenta el uso del coche compartido
- Mañana se esperan colas kilométricas en Lidl para hacerse con la batidora de frutas más potente del mercado: disponible por 17,99 euros
- Mañana se esperan colas kilométricas en Lidl para hacerse con el innovador set de limpieza que dejará tus suelos como nuevos: por solo 27,99 euros
- Multado con 600 euros por pasar delante de un control de tráfico, no ser detenido y escribir cuando detiene el coche por 'solidaridad': la Guardia Civil extrema la vigilancia
- José Manuel García, fundador de Grupo Roxu: 'La empresa tiene el patrimonio valioso de sus trabajadores, gente que se implicó y que ha sido clave
- La conductora del bus volcado en Gijón trató de esquivar a dos coches que iban 'haciendo maniobras imprudentes
- Mañana se esperan colas kilométricas en Lidl para conseguir el cojín ergonómico más cómodo del mercado: disponible por menos de 4 euros
