EDP estrena en Proaza les turbines hidráuliques más modernes d'Asturies
La instalación, visitada por miles de persones al añu pol so valor arquiteutónicu, anueva la so maquinaria per primer vegada en cuasi 60 años
Un operariu na nave central de la central hidroeléctrica de EDP en Proaza, al pie de la carcasa de turbina diseñada por Joaquín Vaquero. / Luisma Murias
Paez un muséu d'arte contemporaneu (ello ye que recibe más de mil visitantes cada añu pola so orixinal arquiteutura brutalista, obra del uvieín Joaquín Vaquero), pero ye una de les once centrales hidroeléctriques que'l grupu enerxéticu portugués EDP tien n'Asturies. Ta en Proaza, a la vera del ríu Trubia, y acaba d'estrenar dos turbines nueves coles que, gracies a la fuerza del agua, la instalación va xenerar un 4% más d'eletricidá, al xubir de 80 a 83 xigavatios por hora (XWh) al añu, l'equivalente al consumu mediu de 24.000 llares.
Asina lo esplicó esti día Emilio Fernández, direutor de centrales hidráuliques d'EDP n'España, a lo llargo d'una visita informativa a la central de Proaza na que detalló los pormenores d'una reforma que llevó dos años y na que la compañía invirtió 4 millones d'euros. "Son les turbines más modernes qu'agora mesmo tenemos n'Asturies", remarcó Fernández.
Les de Proaza nun son les úniques turbines que va anovar EDP n'Asturies. La empresa tamién trabaya na reforma de les centrales de La Barca (Tinéu) y Tañes (Sobrescobiu). Con elles, señaló'l direutivu, "consiguimos producir más enerxía utilizando la mesma cantidá d'agua".
Los trabayos de Proaza consistieron principalmente en reemplazar per primer vegada les dos turbines coles qu'entamó la instalación en 1968, fai casi 60 años. Una remodelación na que participaron nueve empreses (ente elles, dalguna asturiana como Iturcemi) y una trentena de trabayadores.
Emilio Fernández, delantre d'una de las turbines anovaes. / Luisma Murias
En concreto, la reforma cambió los dos principales elementos de les turbines: los rodetes (les exes xiratories) y los álabes, les pales curves que regulen la cantidá d'agua qu'emburria'l mecanismu pa tresformar esa enerxía mecánica n'enerxía eléctrica. Tamién se cambiaron delles pieces de les tuberíes, de dos metros de diámetru caúna, poles qu'entra l'agua procedente del pantanu de Valdemurrio, en Quirós.
"Con estos cambios ganemos en rendimientu, eficiencia y versatilidá, y ganamos enerxía llimpio y autóctono que nun depende de fontes primaries esternes, como'l gas o el petróleu", afirmó Fernández.
Asina mesmo, EDP modernizó'l sistema de control que regula la velocidá de les turbines y el sistema d'escitación, esto ye, el mecanismu que crea'l campu magnéticu necesariu pa que funcionen les máquines.
Nestos momentos, la central de Proaza ta nún de los momentos de mayor actividá del añu, por que'l caudal fluvial algama los sos mayores niveles nos meses de xineru, febreru, marzu y abril. Dempués produzse un descensu que nun se torna hasta avientu.
"Cola ayuda del Gobiernu del Principáu d'Asturies"
- Mañana se esperan colas kilométricas en Lidl para hacerse con el set de cuencos de acero inoxidable más barato del mercado: disponible por menos de 5 euros
- Tráfico endurece la ITV: vehículos con más de 10 años deberán pasar ahora la inspección semestralmente
- Mañana se esperan colas kilométricas en Lidl para hacerse con la alfombra antideslizante más barata del mercado: disponible por menos de 10 euros
- Muere un hombre de 60 años y resulta herida su mujer tras caer con su coche por un desnivel en Belmonte y quedar atrapados
- El fallecido en el cabo Vidio, un conocido vecino de Pravia, conductor del Principado, que practicaba atletismo, ciclismo y rally
- Mañana se esperan colas kilométricas en Lidl para conseguir el juego de cuchillos de acero inoxidable más barato del mercado: fácil manejo y afilado duradero
- Un empresario asturiano ofrece ayuda para evitar el desahucio de una mujer y su hija en La Corredoria
- El imparable desarrollo del 'octavo concejo' de Asturias que ya roza los 20.000 habitantes, más que Villaviciosa o Llanera
