La Unidá d'Hemodiálisis del Hospital Carmen y Severo Ochoa estrena certificación de calidá
El direutor d'Atención Sanitaria considera esti sellu un "emburrión" a la política de calidá del centru hospitalariu cangués
L'equipu d'Hemodiálisis. / Salud
La Unidá d'Hemodiálisis del Hospital Carmen y Severo Ochoa llogró la certificación de calidá UNE-EN-ISO 9001:2015, un nuevu finxu pal centru sanitariu de Cangas del Narcea. "Esti distintivu nun ye namás un diploma na paré, sinón que ye'l reflexu del esfuerzu diariu de los nuesos profesionales por ufiertar la meyor atención posible a los nuesos pacientes", señala'l direutor d'Atención Sanitaria y Coordinación Territorial del centru, Enrique Sommer.
Señala Sommer que la certificación, que yá tienen otros siete servicios como Farmacia o Anatomía Patolóxica, supon "un importante emburrión a la política de calidá del centru", amás de ser "la constatación del trabayu bien fechu dende va años, frutu d'un intensu trabayu colectivu, destacando la implicación del serviciu de Nefroloxía". Hai que recordar qu'esti serviciu nació en 1993 de la mano del nefrólogu Pedro Escalada.
"Una auditoría bien curiosa"
"El sellu de calidá, concedíu depués d'una auditoría esterna bien curiosa fecha por Aenor, conseña'l cumplimientu de los más altos estándares internacionales na xestión de procesos y l'atención integral de pacientes", señala la Conseyería de Salú, qu'indica qu'esta norma ye una de les ferramientes de xestión de calidá más reconocida a nivel internacional. "La certificación d'Hemodiálisis garantiza una metodoloxía de trabayu que pon el güeyu na seguridá de les persones, la optimización de los recursos téunicos y humanos y la evaluación constante de resultaos, enfocada a la meyora continua", apunten.
Pa llograr la certificación ficieron falta meses de trabayu de parte de los profesionales d'esti serviciu "formáu anguaño por trés nefrólogos, una supervisora d'Enfermería, nueve enfermeres y siete téunicos auxiliares en Cuidaos d'Enfermería".
Sommer conclúi que "esta acreditación implica un compromisu de revisión periódica y d'actualización constante, asegurando que l'hospital caltenga los estándares de calidá más esixentes non agora, sinón al llargu plazu".
"Cola ayuda del Gobiernu del Principáu d'Asturies"
- El autor de clásicos como 'Yo soy aquel Se nos rompió el amor' o 'Lo mejor de tu vida' para el que la música en español reclama el premio 'Princesa
- Mañana se esperan colas kilométricas en Lidl para conseguir el toldo de terraza que se instala sin obra más barato del mercado: su tela se adapta a cualquier espacio
- Mañana se esperan colas kilométricas en Lidl para hacerse con la batidora de frutas más potente del mercado: ideal para llevar a cualquier sitio
- Mañana se esperan colas kilométricas en Action para hacerse con la mesa auxiliar de jardín más barata del mercado: disponible por menos de 10 euros
- Mañana se esperan colas kilométricas en Action para conseguir el juego de cojines para terraza o balcón más baratos del mercado: cómodos y en varios colores por 2,99 euros
- Cambian los hábitos de consumo de los asturianos y los bares están felices con la gran moda de la sobremesa: 'Podemos hacer turnos seguidos y no partidos
- Oviedo se prepara para el Martes de Campo: este es el cartel y la programación para una de las fiestas más populares
- El Corte Inglés lanza los Ocho Días de Oro con descuentos de hasta el 30% en más de 600 marcas
