TSK, a puntu de salir a Bolsa, dispara un 64% los sos beneficios hasta los 32 millones
La mayoría de los ingresos de 2025 de la empresa asturiana d'inxeniería remaneció de proyeutos enerxéticos y dixitales n'América
Sede corporativa de TSK, nel Parque Teunolóxicu de Xixón. / LNE
La empresa asturiana d'inxeniería TSK llogró en 2025 un beneficiu de 32 millones d'euros, lo que supon un aumentu del 64,3% en comparanza col añu anterior. Amás, les sos ventes xubieron a los 1.035 millones, una cifra "perriba por poco" a la de 2024 (entós fueron 1.012 millones), según informó esti día la compañía, que prepara la so salida a Bolsa pal mes de mayu con una valoración calculada ente los 550 y los 600 millones d'euros.
El resultáu d'esplotación (ebitda) de TSK, afincada en Xixón, púnxose nos 99,7 millones, un incrementu del 37%.
En función de les árees d'actividá, el 91% de los ingresos remaneció del área de transición enerxética y dixitalización. El 9% que queda apurriólu la división de manexu y tresporte de materiales y minerales críticos, conocida nel sector de la inxeniería como "handling & mining".
Tocante a diversificación xeográfica, TSK llogró un 78% de les sos ventes en proyeutos desarrollaos n'América, el 12% n'Europa, y el 10% que queda nel restu del mundu.
Pal CEO de TSK, Joaquín García Rico , “2025 foi un exerciciu nel que la compañía afitó la sienda de crecimientu d'actividá y rentabilidá entamada nel exerciciu 2022 y punxo los pegollos pa dar un nuevu saltu sofitada na so esperiencia industrial, la so capacidá d'anovación teunolóxica en sectores claves como los de la transición enerxética y la dixitalización, y el posicionamientu en rexones de gran potencial de crecedera como América y Europa onde TSK tien una gran esperiencia".
Según recordó la empresa, esta disponía al términu del exerciciu pasáu d'una cartera por un valor calculáu en 1.300 millones d'euros, distribuyíos en 29 proyeutos en doce países. Tien una plantíaa de 1.500 persones.
"Cola ayuda del Gobiernu del Principáu d'Asturies"
- Cada día cierra un comercio en Asturias y en una céntrica calle de Oviedo tres históricos se sumarán a la lista: 'No se gana para todos los gastos
- Caen los 'Whiteboys', la organización juvenil de ultraderecha más violenta de Asturias: hay 19 detenidos, cuatro de ellos menores
- Es invierno en mayo: está nevando en la autopista del Huerna y los termómetros caen en Asturias hasta los 4 grados bajo cero
- Doce menores se intoxican en un viaje de estudios en Asturias: fueron atendidos en el aeropuerto y trasladados al hospital
- ¿Cuáles son dos de los barrios más 'cool' de Asturias?: están en el extrarradio de Oviedo y Gijón, sus vecinos dicen que 'hay de todo', disfrutan de tranquilidad y el gancho es la vivienda asequible (hasta ahora)
- El drama de los interinos asturianos: 'Me planto con 60 años teniendo que aprobar una oposición y pudiendo irme a la calle
- El refugio de Luis Enrique en Asturias: un pueblín de costa de menos de 100 habitantes con acantilados y mucho verde
- El último censo de osos lo confirma: hay más ejemplares en la Cordillera Cantábrica y mayor conexión entre las subpoblaciones oriental y occidental
