El "Quesu d'Oro" de Salas marcha pal restaurante "La Montera Picona", de Xixón: "Foi un sorpresón"
L'hosteleru Emilio Rubio agradez que'l consistoriu salense pensara nel so negociu y reafita'l so compromisu col Afuega'l pitu
Emilio Rubio nel so negociu de Xixón. / Pablo Solares
El Conceyu de Salas va cerrar abril celebrando ún de los eventos más esperaos del añu: el Certame de Quesos Artesanos d'Asturies, qu'algama la so trixésima quinta edición. Nesti casu, va estremar col máximu galardón de la feria, el "Quesu d'Oru 2026", al restaurante "La Montera Picona de Ramón", de Xixón.
El motivu de la elección d'esti establecimientu, encabezáu pol hosteleru Emilio Rubio, ye agradecer "el so sofitu nel espardimientu de la cultura quesera y la so particular contribución a un quesu tan nuesu como el Afuega'l Pitu". Bastante ye que con saber que'l restaurante xixonés foi'l comprador de la puya de quesos ganadores entamada dientro del Certame del Quesu Afuega'l Pitu que se celebra en Morcín.
3.200 euros pal Bancu d'Alimentos
Lo mesmo na primer edición, de 2025, como na d'esti añu, Emilio Rubio foi'l comprador. Esti añu pagó 3.200 euros pol petitosu taragañu apurríu poles cuatro queseríes ganadores: Quesería Ca Sanchu (Atroncáu blancu), Tierra de Tinéu (Atroncáu roxu), Temia de Grau (Blancu de trapu) y Quesería La Borbolla (Roxu de trapu). Amás, esta recaudación tien un fin solidariu porque se dona al Bancu d'Alimentos d'Asturies.
"L'Afuega 'l Pitu ta presente nel mio restaurante dende fai muncho, inclusive lu usamos n'ellaboraciones como'l cachopu, resultando premiáu en concursos a nivel nacional. Dende'l primer momentu los quesos tán presentes na nuesa casa", señala l'hosteleru, que tamién ye habitual de la puya del Cabrales. De siguío, aplaude'l trabayu que tán faciendo los ellaboradores por dar a conocer el so productu: "Ye un trabayu brutal".
Cuenta Rubio que cuando lu llamaron de Salas nun lo creía, ello ye que bromia, porque primeramente creyó que lo que-y proponíen yera dar el premiu. "Tamos superagradecíos de que s'alcuerden de nós. Siempre tuvimos mui arreyaos a los quesos, polo xeneral colos productos asturianos, y allégrate ver que se reconoz esta apuesta", señala.
- Adiós a las vacaciones escolares de toda la vida: los alumnos tendrán casi tantos días de descanso en Todos los Santos que en Semana Santa
- Cada día cierra un comercio en Asturias y en una céntrica calle de Oviedo tres históricos se sumarán a la lista: 'No se gana para todos los gastos
- Un camión de la Vuelta Ciclista se queda suspendido en el aire en el Angliru y deja atrapados a otros transportistas de la prueba
- Caen los 'Whiteboys', la organización juvenil de ultraderecha más violenta de Asturias: hay 19 detenidos, cuatro de ellos menores
- Es invierno en mayo: está nevando en la autopista del Huerna y los termómetros caen en Asturias hasta los 4 grados bajo cero
- ¿Cuándo va a dejar de llover en Asturias? La Aemet responde y cuidado si has hecho planes para los próximos días (vuelve la nieve)
- El drama de los interinos asturianos: 'Me planto con 60 años teniendo que aprobar una oposición y pudiendo irme a la calle
- El último censo de osos lo confirma: hay más ejemplares en la Cordillera Cantábrica y mayor conexión entre las subpoblaciones oriental y occidental
