¿Por qué nagüen los mozos asturianos? Cerca de la metá quier trabayar nel sector públicu y más del 90% marchar d'Asturies cola cuenta de volver: "Equí nun hai trabayu"
Un informe revela que'l 61,38% de los universitarios quier quedar nel Principáu, anque'l 30,40% dulda d'atopar empléu, lo qu'impulsa la so marcha
Estudiantes caminando per un pasillu. / Jevgeni Salihhov
Cerca de la metá de los universitarios asturianos (44,93%) quier trabayar nel sector públicu. Ye una de les conclusiones que recueye l'informe ellaboráu por Compromisu Asturies XXI sobre los enfotos del estudiante universitariu n'Asturies, presentáu esti día pola direutora xeneral de l'asociación, Reyes Cañal. El 43,32% opta pol sector priváu y un 11,75% quier entamar.
Según esplicó Cañal, l'estudiu analiza "les aspiraciones y percepciones de futuru" de los universitarios del Principáu. Les conclusiones surden del analís de 681 encuestes sobre una población de cuasi 22.000 estudiantes matriculaos, lo que supon una representatividá del 3%. El perfil dominante son muyeres (60,5%) d'ente 20 y 23 años, matriculaes na Universidá d'Uviéu n'árees de Ciencies Sociales, Xurídiques o Inxeniería.
"El sector públicu crez como abellugu ante la incertidume llaboral", esplica l'informe. "Asturies nun compite güei por retener talentu namás en salariu, sinón en proyeutos profesionales completos: trayectoria, autonomía, aprendizaxe continuu y condiciones de vida compatibles con enfotos vitales", señala'l trabayu, que tamién se refier al "desaxuste estructural" colos enfotos.
Nun ye l'únicu resultáu relevante. El 92,8% de los mozos que marchen d'Asturies faennlo col enfotu de volver. Ente les principales motivaciones d'esti éxodu de xóvenes tán les condiciones llaborales y retributives (71,80%), la proyección llaboral (68,10%), vivir otres esperiencies (61,80%) y formación (40,20%). "Los mozos asturianos marchen por nun esistir ecosistemes más competitivos na nuesa comunidá", asegura Cañal. Asturies llogra retener talentu gracies a factores como los venceyos personales (87%), la calidá de vida (75%) y la naturaleza (36,40%).
Al terminar la carrera, la mayoría de los estudiantes asturianos (61,38%) quier quedar n'Asturies, sicasí, el 30,40% nun cree que vaiga atopar empléu n'Asturies, lo que los emburria hacia otres comunidaes (55,90%), pero tamién pal estranxeru (44%).
"Nun ye que tengan rocea a Asturies, ye la busca d'un ecosistema más competitivu", apuntó Cañal, quien considera que'l sueldu "yá nun ye abondo", sinón que se faen necesarios otros factores como "la cultura de la organización, l'ambiente de trabayu y la conciliación". "Tenemos que entamar proyeutos al so altor que-yos permitan quedar n'Asturies", aseguró la direutora.
"Cola ayuda del Gobiernu del Principáu d'Asturies"
- Adiós a las vacaciones escolares de toda la vida: los alumnos tendrán casi tantos días de descanso en Todos los Santos que en Semana Santa
- Un camión de la Vuelta Ciclista se queda suspendido en el aire en el Angliru y deja atrapados a otros transportistas de la prueba
- ¿Cuándo va a dejar de llover en Asturias? La Aemet responde y cuidado si has hecho planes para los próximos días (vuelve la nieve)
- Tres asturianos entre los pasajeros aislados por el brote de hantavirus en un crucero de lujo
- El último censo de osos lo confirma: hay más ejemplares en la Cordillera Cantábrica y mayor conexión entre las subpoblaciones oriental y occidental
- José Luis Llorente, jefe de Otorrino del HUCA, ingresa en la Academia de Medicina: 'La formación del médico no tiene atajos, exige miles de horas
- Los tres asturianos del crucero del hantavirus preparan su vuelta al Principado: el Gobierno tramita ya su repatriación desde Canarias
- La fibromialgia frenó a Javier Tejedor, histórico vigilante del Tartiere: 'Me han llamado de todo; vago, esquizofrénico, bipolar, borracho, drogado… Y ahora se me agota el paro y no me dejan trabajar
